សាជីវកម្ម Panasonic បានផ្តល់ជំនួយជាចង្កៀង LED ប្រើពន្លឺព្រះអាទិត្យចំនួន ២០០០ ជូន NPOs អង្គការក្រៅរដ្ឋាភិបាល និងអង្គការមនុស្សធម៌ផ្សេងទៀតចំនួន ១៥ ដែលបម្រើការងារឆ្ពោះទៅរកដំណោះស្រាយបញ្ហាសង្គមផ្សេងៗក្នុងប្រទេសកម្ពុជា ។
Panasonic បានចូលរួមក្នុងសកម្មភាពជាពលរដ្ឋក្នុងប្រទេសអាស៊ាន ដែលក្រុមហ៊ុននេះមាន ប្រតិបត្តិការអាជីវកម្មរបស់ខ្លួន។ នៅក្នុងប្រទេសកម្ពុជា សកម្មភាពនេះត្រូវបានធ្វើឡើងជាទម្រង់បែបជំនួយពង្រឹងហេរដ្ឋារចនាសម្ព័ន្ធទៅកាន់អង្គការមនុស្សធម៌ ដែលបម្រើការងារនៅក្នុងប្រទេស ឬជាការផ្តល់ជំនួយដោយផ្នែកលើការចំណាយខាងសុខភាព និងសុខុមាលភាពសម្រាប់និយោជិក។ជាមួយនឹងការបើកការិយាល័យតំណាងមួយនៅក្នុងរាជធានីភ្នំពេញ Panasonic បានចាប់ផ្តើមផ្តួចផ្តើមគំនិតផ្តល់ជំនួយជាផលិតផលរបស់ខ្លួន តាមតំបន់ដែលខ្លួនមានប្រតិបត្តិការ ។
ក្នុងនាមជាសមាជិកមហាអនុតំបន់ទន្លេមេគង្គ ប្រទេសកម្ពុជាកំពុងមានការអភិវឌ្ឍដែលមានភាពនឹងនរ ប៉ុន្តែនៅតែជួបប្រទះនូវបញ្ហាជាច្រើនដូចជា ផ្នែកអប់រំ និងផ្នែកសុខុមាលភាព ដែលជាផលប៉ះពាល់បន្ទាប់ពីសង្រ្គាមក្នុងតំបន់ដ៏យូរលង់របស់ខ្លួន។ពិសេសអគ្គិសនីមានប្រើប្រាស់ត្រឹមតែ ២៥%ប៉ុណ្ណោះ។អំណោយចង្កៀង LED ប្រើពន្លឺព្រះអាទិត្យដែលផ្តល់ជូនអង្គការដែលមានសកម្មភាពអប់រំ សុខុមាលភាព និងវិស័យផ្សេងៗទៀត ក្នុងប្រទេសកម្ពុជាទាំងនេះនឹងស្វែងរកដំណោះស្រាយចំពោះបញ្ហាទាំងនេះ ។ចង្កៀង LED ប្រើពន្លឺព្រះអាទិត្យនេះ ផ្ទុកអគ្គិសនីដែលផ្ទុកដោយពន្លឺព្រះអាទិត្យនៅពេលថ្ងៃដើម្បីប្រើប្រាស់ជាពន្លឺភ្លើងបំភ្លឺនៅពេលយប់ ដោយមិនបង្កើត CO2 ក្នុងដំណើរការនេះឡើយ ។ការប្រើប្រាស់ចង្រ្កៀង LED ប្រើពន្លឺព្រះអាទិត្យដែលមានគុណភាពខ្ពស់ដែលប្រើប្រាស់បានរយ:ពេលយូរទាំងនេះជំរុញផ្នែកអប់រំអក្ខរកម្ម និងសកម្មភាពវេជ្ជសាស្រ្តនៅពេលយប់ បង្កើនក្តីសង្ឈឹមសម្រាប់ដំណើរការ ក្នុងការដោះស្រាយបញ្ហាសង្គមយ៉ាងធំធេង ។
ការផ្តល់ជំនួយនេះ នឹងត្រូវធ្វើឡើងពិធីពិសេសនៅសណ្ឋាគារ Sofitel Phnom Penh Phokeethra វេលាម៉ោង ១១ ព្រឹកម៉ោងក្នុងតំបន់ នាថ្ងៃ អង្គារ ទី ០៦ ខែ មីនា ។
ក្នុងនាមជាក្រុមហ៊ុន Green Innovation Panasonic កំពុងប្រើប្រាស់បច្ចេកវិទ្យា និងផលិតផលរបស់ខ្លួន ដើម្បីអភិវឌ្ឍភាពយូរអង្វែងលើទីផ្សារថ្មី និងប្រទេសកំពុងអភិវឌ្ឍយោងតាម ប្រតិបត្តិការអាជីវកម្មរបស់ខ្លួន និងសកម្មភាពជាពលរដ្ឋ និងកំពុងខិតខំប្រឹងប្រែងជួយសម្រេចឲ្យបាននូវគោលដៅអភិវឌ្ឍសហស្សវត្យរ៍របស់អង្គការសហប្រជាជាតិ (MDGs)៕
អត្ថបទ ក្រុមហ៊ុន
មតិយោបល់