នៅកងយោធាជំនាញរបស់ប្រទេសជប៉ុន បានដាក់ពង្រាយឧបករណ៍ចាប់គ្រាប់រ៉ុកកែត និងប្រព័ន្ធការពារគ្រាប់មីស៊ីលយ៉ាងច្រើន នៅទីក្រុង អូគីណាវ៉ា អ៊ីស៊ីកាគី និងអ៊ីស៊ីកាគីជីម៉ា ដើម្បីចាប់យកគ្រាប់មីស៊ីល និងគ្រាប់រ៉ុកកែតរបស់ប្រទេសកូរ៉េខាងជើង ដែលមានគម្រោងបាញ់បង្ហោះនៅចុងខែនេះ។
គម្រោងបាញ់បង្ហោះគ្រាប់រ៉ុកកែតបញ្ជូនផ្កាយរណបរបស់ប្រទេសកូរ៉េខាង ជើង កំពុងតែបង្កឲ្យ មានភាពតានតឹងខាងនយោបាយនៅឧបទី្វបកូរ៉េ កើតឡើងកាន់តែខ្លាំង ហើយមេដឹកនាំរបស់ប្រទេសជប៉ុន និងសហរដ្ឋអាមេរិក ក៏កំពុងចាត់វិធានការទប់ស្កាត់ចំពោះសកម្មភាពរបស់កូរ៉េខាងជើង នេះដែរ។
រដ្ឋមន្ត្រីការពារជាតិរបស់ប្រទេសជប៉ុន បានឲ្យដឹងថា កងកម្លាំងជំនាញ នឹងចាប់យក ឬកំទេចគ្រាប់រ៉ុកកែតបញ្ជូនផ្កាយរណប និងគ្រាប់មីស៊ីល របស់កូរ៉េខាងជើងឲ្យបាន បើសិនជាកូរ៉េខាងជើងនៅតែរឹងរុះ បាញ់បង្ហោះគ្រាប់រ៉ុកកែតបញ្ជូនផ្កាយរណប និងគ្រាប់មីស៊ីលរយៈចម្ងាយឆ្ងាយនៅចុងខែនេះ ដូចអ្វីដែលបានព្រៀងទុក៕
ប្រែសម្រួលដោយ៖បុរសដំណឹង
មតិយោបល់