ខណះដែលយកឈ្នះ Benfica 2-1 នៅ Standford Bridge យប់ម៉ិញនេះ Chelsea នៅពេលបានកក់កន្លែងមួយយ៉ាងកក់ក្តៅក្នុងវគ្គពាក់កណ្តាលផ្តាច់ព្រ័ត្រ ដែលសរុបជាលទ្ធផលទាំងពីរប្រកួត Chelsea ឈ្នះ 3-1។
កីឡាករសញ្ជាតិអង់គ្លេស Frank Lampard ជាអ្នករកបានគ្រាប់ដំបូងក្នុងការប្រកួត ជើងទីពីរនេះនៅនាទីទី 21 មុនពេលដែល Maxi Pereira របស់ Benfica ត្រូវបានបណ្តេញចេញ។ Benfica តាមស្មើវិញនៅនាទីទី 85 តែអតិតកីឡាករ Liverpool, Raul Meireles បន្ថែមគ្រាប់ជ័យជំនះសំរាប់ Chelsea នាទីទី 90 ដូច្នេះតោខៀវ Chelsea នឹងត្រូវជួបជាមួយយក្សអេស្ប៉ាញ Barcelona នៅវគ្គពាក់កណ្តាលផ្តាច់ព្រ័ត្រ UEFA Champions League ដែលបានយកឈ្នះ AC Milan 3-1។
គ្រូបង្វឹកបណ្តោះអាសន្នរបស់ Chelsea លោក Roberto Di Matteo បាននិយាយ ក្រោយចប់ការប្រកួតថា លោកពិតជាសប្បាយរីករាយចំពោះលទ្ធផលកូនក្រុមរបស់លោក ហើយ Chelsea ពិតជាសមនឹងឆ្លងផុតវគ្គនេះ។ ចំណែកគ្រូបង្វឹក Benfica, Jorge Jesus បាននិយាយផងដែរថា លោកសូមកោតសរសើរកូនក្រុមរបស់លោកទាំងអស់ដែលប្រឹងប្រែងលេងអស់ពី សមត្ថភាព ទោះបីក្រុមរបស់លោកនៅសល់គ្នាត្រឹម 10 នាក់ក៏ដោយ តែពួកយើងពិតជាធ្វើឲ្យ Chelsea លំបាក។ Chelsea នឹងត្រូវជួបជាមួយ Barcelona នៅវគ្គពាក់កណ្តាលផ្តាច់ព្រ័ត្រជើងទីមួយនៅទឹកដី Stamdford Bridge ថ្ងៃទី 18 ខាងមុខនេះនេះ៕
ប្រែសម្រួលដោយ៖ បុរសដំណឹង
មតិយោបល់