រាជធានីភ្នំពេញថ្ងៃទី ០៨ ខែ មិថុនា ឆ្នាំ ២០១២ ក្រុមហ៊ុន Beeline ដែលជាក្រុមហ៊ុនផ្តល់សេវាកម្មទូរគមនាគមន៍ នាំមុខមួយនៅកម្ពុជា រួមជាមួយនឹងបុគ្គលិករបស់ខ្លួនកំពុងចូលរួមអបអរសាទរ ក៏ដូចជាប្រារព្ធនូវ ទិវាពិភពលោក នៃអ្នកបរិច្ចាគឈាម តាមរយៈការផ្តល់ឈាមដោយស្មគ្រចិត្ត ក្នុងនាមជាវិរៈជនដើម្បីសង្គ្រោះអ្នកជំងឺ ។
ទិវាពិភពនៃ បរិច្ចាគឈាម គឺជាកម្មវិធី ប្រចាំឆ្នាំមួយដែលបានរៀបចំឡើង ដោយ អង្គការសុខភាពពិភពលោក ដែលប្រារព្ធឡើង ដើម្បីជាដំណឹងតម្រូវការឈាម នឹងផលិតផលឈាមប្រកបដោយ សុវត្ថិភាព និងដើម្បីថ្លែងអំណរគុណ ដល់អ្នកបរិច្ចាគឈាមដោយស្មគ្រចិត្ត នឹងមិនគិតកម្រៃទាំងអស់ ដែលបានជួយសង្គ្រោះជីវិត អ្នកជំងឺ នៅពាសពេញពិភពលោក ។ពាក្យស្លោកនៃ ទិវាពិភពលោកបរិច្ចាគឈាម សម្រាប់ឆ្នាំ ២០១២ នេះគឺ ក្រោមប្រធានបទ “អ្នកស្ម័គ្រចិត្តផ្តល់ឈាមគឺជាវិរៈជន” ។
ព្រមជាមួយនឹងពាក្យស្លោកនេះផងដែរ Beeline ប្រចាំនៅកម្ពុជាបានរួមសហការជាមួយ គ្រប់បណ្តាក្រុមហ៊ុនសម្ព័ន្ធនៃ Vimplecom Group នៅជុំវិញពិភពលោក ដើម្បីបង្កើតនូវ កម្មវិធីបរិច្ចាគឈាមនេះដោយជម្រុញឲ្យមានការចូលរួមពីបុគ្គលិកទាំងអស់សម្រាប់ការផ្តល់ឈាមដោយស្ម័គ្រចិត្ត។បណ្តាបុគ្គលិករបស់ Beeline ទាំងអស់ដែលមាននៅប្រទេស អាល់ជីរៀ ប៊ូរុណឌី បង់ក្លាដេស កម្ពុជា អេស៊ីប ប៉ាគីស្ថាន ឡាវ សាធារណៈរដ្ឋអាហ្វ្រិកកណ្តាល និងប្រទេសស្ស៊ីបបាវ៉េ កំពុងចូលរួមបង្ហាញនូវ ស្មារតីចែករំលែកជួយសង្គ្រោះអាយុជីវិតមនុស្សរាប់លាននាក់ តាមរយៈ ការផ្តល់ឈាមរបស់ពួកគាត់សម្រាប់តម្រូវការដ៏ចាំបាច់នេះ ។គ្រាប់បណ្តាក្រុមហ៊ុនសាខាងខាងលើ និងប្រារព្ធកម្មវិធីបរិច្ចាគឈាមនេះឡើងជាមួយនឹងការស្មគ្រចិត្តរបសបុក្គលិកខ្លួននៅក្នុងខែ ឧសភា និង ខែ មិថុនា ។ទន្ទឹមនឹងនេះដែរ កម្មវីធីផ្តល់ឈាមរបស់ក្រុមហ៊ុន Beeline ប្រចាំនៅកម្ពុជា បានធ្វើឡើងនៅថ្ងៃទី ៨ ខែ មិថុនា ឆ្នាំ ២០១២ នេះ ។
លោក Siddhanta Kothari អគ្គនាយកក្រុមហ៊ុន Beeline ប្រចាំនៅកម្ពុជាបានមានប្រសាសន៍ថា “បញ្ហាកង្វះឈាមស្តុកទុកដើម្បីសង្គ្រោះជីវិតមនុស្ស និងអ្នកជំងឺកើតមានឡើងនៅគ្រប់សង្គមរស់នៅទាំអស់”។ ប៉ុន្តែយើងទាំងអស់គ្នាអាចជា ដំណោះស្រាយបញ្ហាដ៏ចំបងនេះ។នេះគឺជាឆ្នាំ ទី ១ ហើយដែល Beeline ជាមួយនឹងបុគ្គលិកស្មគ្រចិត្តផ្តល់ឈាមរួមគ្នាទាំងអស់ដើម្បីសង្គ្រោះអ្នកជំងឺ ដែលកំពុងតែត្រូវការ យ៉ាងខ្លំាង នូវអំណាចឈាមដ៏សប្បុរសរបស់យើង ដើម្បីជួយជីវិតរបស់គាត់ ។ដូច្នេះ សូមចូលរួមទាំអស់គ្នា ដើម្បីក្លាយទៅជាវិរៈជនប្រចាំឆ្នំា ២០១២ ហើយក៏ដូចជារួមសហការដើម្បីដោះស្រាយបញ្ហាកង្វះឈាមសម្រាប់សង្គ្រោះជីវិតអ្នកជំងឺនៅកម្ពុជា ៕
មតិយោបល់