Albert Einstein ជាអ្នកប្រាជ្ញរូបវិទ្យាដ៏ល្បីម្នាក់ក្នុងសតវត្សទី ២០ ។គាត់ជាជនជាតិ អាមេរិចដែល ទទួលបានពាន់រង្វាន់ ណូបែលរូបវិទ្យា ក្នុងឆ្នាំ ១៩២៩ ។ គាត់បានបង្ហាញទស្សនៈមួយចំនួនថា
គាត់គ្មានសមត្ថភាពពិសេសអ្វីនោះទេ គាត់គ្រាន់តែ ចូលចិត្ត ស្រាវជ្រាវនូវអ្វីដែលខ្លួនស្រលាញ់ឲ្យ បានយល់ច្បាស់ ដល់ឬស គល់ តែ ប៉ុណ្ណោះ។
ចំពោះគាត់របស់ដែលគេគិតថាមានតំលៃ ដូចជា ប្រាក់កាស ទ្រព្យ សម្ប្តត្តិ គាត់គិតថាជារបស់ធម្មតាអ្វីដែលមានតំលៃជាងនោះគឺចំនេះដឹង ដែលមានលិទ្ធភាពអាចបង្កើតរបស់ទាំងនោះបាន។
តាំងពីនៅតូច Albert Einstein បានបញ្ចេញនូវភាពខុសប្លែកពីក្មេងដ៏ទៃរួចទៅហើយ។ រហូតដល់អាយុ៣ឆ្នាំ Albert Einstein នៅមិនទាន់អាចនិយាយបានទៀត។ គេមិនយំ មិននិយាយស្តីអ្វីទាំងអស់ មានពេលខ្លះអង្គុយតែម្នាក់ឯងសំលឹងរបស់របរក្នុងផ្ទះយ៉ាងចិត្តផ្ចង់។ ឪពុកមា្តយរបស់Albert Einstein មានការព្រួយបារម្ភយ៉ាងខ្លាំងអំពីខួរក្បាលរបស់កូនខ្លួន។ ទោះជាគ្រួសារមិនសូវមានទ្រព្យសម្ប្តត្តិយ៉ាងណាក៏ដោយគាត់បានព្យាយាមរកប្រាក់ដើម្បីជួលគេឲ្យមកមើលថែAlbert Einstein នឹងបង្រៀនឲ្យគេឆាប់ចេះនិយាយផង។ ក្នុងរយៈពេលមួយយ៉ាងយូរ អ្នកមើលថែ Albert Einstein អស់សមត្ថភាព ក្នុងការបង្រៀន Albert Einstein មានពេលខ្លះក៏លូចជេរ Albert Einstein ថា ” អាក្មេងល្ងង់”។
ក្រោយមកមិនយូរប៉ុន្តែមានរឿងចំលែកបានកើតឡើងចំពោះ Albert Einstein ធ្វើឲ្យអ្នកដទៃកែប្រែការគិតចំពោះគាត់។ កុមារ Albert Einstein មិនដែលចូលចិត្តលេងរបស់របរ ក្មេងលេង ឬ កុក្តានោះទេ។ ប៉ុន្តែមានថ្ងៃមួយឪពុកគាត់សង្កេត ឃើញ Albert Einstein មានការចាប់អារម្មណ៍នឹងរបស់មួយនោះគឺត្រីវិស័យ ។ ឪពុកឃើញដូចនោះក៏បានប្រគល់ត្រីវិស័យនោះឲ្យទៅកូនតែម្តង។
Albert Einstein មានការង្ងង់ឆ្ងល់យ៉ាងខ្លាំងអំពី ម្ជុលក្នុងត្រីវិស័យ ទោះបីជាគេប្រឹងបែរទណាក៏ម្ជុលនៅតែចង្អុលទិសខាងជើងរហូត។ គាត់សំលឹងមើលមុខឪពុកសង្ឃឹមថា គាត់នឹងបកស្រាយប្រាប់តែ ឪពុកគាត់បានត្រឹមតែញញឹម នឹង ដើរចេញទៅ។ ពេលនោះ Albert Einstein បានព្យាយាមគិតអំពីត្រីវិស័យយ៉ាងយកចិត្ត ទុកដាក់ មិនចេញទៅដើរលេងអ្វីទាំងអស់។ គាត់ក៏មិនសួរនាំនណារទៀត គិតតែខំប្រឹងមើលដោយខ្លួនឯងរហូតបានយល់។
ពេលនោះដែរពុករបស់គាត់មានការសប្បាយរីករាយយ៉ាងខ្លាំង បាននិយាយជាមួយម្តាយ Albert Einstein ថា កូនរបស់យើងមិនមែនជាមនុស្សល្ងង់នោះទេ វាគ្រាន់តែមិនចង់និយាយនូវពាក្យដែលគ្មានប្រយោជន៍ វាប្រឹងសិក្សាស្រាវជ្រាវដោយខ្លួនឯង មានលក្ខណៈជាអ្នកវិទ្យាសាស្ត្រ ហើយមានភាពស្ងប់ស្ងាត់ប្រមូលអារម្មណ៍គិតទៀតផង។
កាលពីនៅកុមារគ្មាននរណាម្នាក់គិតថា Albert Einstein និងក្លាយជាអ្នកប្រាជ្ញរូបវិទ្យានោះទេ។ តែដោយសារទំលាប់ពិចារណាយ៉ាងផ្ចិតផ្ចង់អំពីបញ្ហាណាមួយដែលគាត់ចូលដោយ មិនផ្លាស់ប្តូរបានធ្វើឲ្យគាត់បង្កើតបានស្នាដៃជាច្រើនក្នុងវិស័យវិទ្យាសាស្ត្រ។ ជាពិសេសការចេះងឿងឆ្ងល់ជាប្រភពនៃចំនេះដឹង ត្រូវព្យាយាមស្វែងរកចម្លើយនៃសំនួរដែលកើតមានក្នុងខួរក្បាលរបស់យើង នេះជាសំដីរបស់ Albert Einstein៕
រៀនត្រូវចេះបែកចែកពេលវេលាសំរាប់ពិចារណាពីអ្វីដែលបានរៀន។
ប្រែសម្រួលអត្ថបទដោយ៖លោក ម៉ៅ សុខេន
មតិយោបល់