១. ប្តូរទឹកក្នុងថូរៀងរាល់ថ្ងៃ៖ ជាការពិតណាស់ ឬយ៉ាងហោចណាស់ក៏ប្តូររៀងរាល់២ថ្ងៃម្តងដែរ។ តាំងពីដើមមក នេះជាវិធីមួយដែលប្រសើបំផុត ព្រោះថាផ្កាទាំងនោះត្រូវការស្រូបទឹកដើម្បីអោយមានសំណើម។ ហើយវាកាន់តែប្រសើថែមទៀតបើអ្នកដាក់ទឹកកក។ ប្រសិនបើអ្នកមិននៅផ្ទះ ២ឬ៣ថ្ងៃ អ្នកគួរដាក់ថូនៅក្រោមក្បាលរ៉ូប៊ីណេ រួចបើកបង្ហូរទឹកតិចៗដាក់ថូ។
២. កាត់មែកដែលទេរចេញ៖ មុនពេលដាក់ផ្កាចូលទៅក្នុងថូ អ្នកត្រូវកាត់មែកដែលបែកខ្នែងចេញមកក្រៅ ធ្វើដូច្នេះដើម្បីអោយដើមផ្កាងាយបឺតទឹក។ ហើយរាល់ពេលដែលអ្នកប្តូរទឹក អ្នកគួរកាត់មែកចាស់ចេញ។
៣. កុំអោយមានស្លឹកធ្លាក់ចូលទឹក៖ ចំនុចនេះសំខាន់ណាស់! នៅពេលដែលមានស្លឹកផ្កាធ្លាក់ចូលក្នុងទឹក វាអាចបង្កើតជាបាក់តេរី ដែលបង្កអោយផ្កាឆាប់រលួយ។
៤. ទុកផ្កាកុំអោយត្រូវកំដៅ៖ ជាទូទៅផ្កានឹងឆាប់ក្រៀមស្រពោននៅពេលត្រូវកំដៅថ្ងៃ។ ដូច្នេះដើម្បីកុំអោយផ្ការបស់អ្នកក្រៀមស្វិតតែក្នុងរយៈពេលប៉ុន្មានម៉ោងនោះ អ្នកមិនត្រូវដាក់វាអោយត្រូវកំដៅថ្ងៃដោយផ្ទាល់ឡើយ។ នៅពេលដែលក្តៅខ្លាំង អ្នកគួរដាក់វាក្នុងទូទឹកកក ១ម៉ោងឬ២ម៉ោង ធ្វើបែបនេះដើម្បីកុំអោយកំដៅនោះបំផ្លាញផ្ការបស់អ្នក៕
មតិយោបល់