តើអ្នកធ្លាប់ចាប់អារម្មណ៍ទេថា ហេតុអ្វីបានជាប្រុសៗមួយចំនួនតែងតែប្រើក្រសែភ្នែកលួចសម្លឹងមកលើអ្នកជាញឹកញាប់? នេះជាសញ្ញដំបូងដែលបង្ហាញថាគាត់កំពុងតែមានអារម្មណ៍មកលើរូបអ្នកហើយ។ ប្រសិនបើបុរសម្នាក់នោះមិនមានចិត្តមកលើអ្នកវិញនោះ គេក៏មិនលួចត្របាញ់ក្រសែភ្នែកមកលើអ្នកច្រើនដងនោះដែរ។
ជាញឹកញាប់គាត់ចេះតែលួចមើលអ្នក
កែវភ្នែករបស់មនុស្សប្រុស គឺជាកូនសោរមួយដែលអាចបើកទ្វារបេះដូងរបស់អ្នកបាន។ ប្រសិនបើគាត់លួចសម្លឹងមើលអ្នកច្រើនដង បង្ហាញថាគាត់កំពុងតែមានចិត្តមកលើអ្នកដូចគ្នា។ ប៉ុន្តែប្រសិនបើអ្នកមិនហ៊ានសង្កេតមើលកែវភ្នែករបស់គាត់ អ្នកអាចសាកសួរមិត្តភក្តិ ឬអ្នកអង្គុយក្បែរនោះបាន។
សួរសំនួរច្រើនអំពីខ្លួនរបស់អ្នក
ប្រសិនបើគាត់បានព្យាយាមសំនួរអ្វីជាច្រើនដែលទាក់ទងនឹងខ្លួនរបស់អ្នក នោះបង្ហាញថាគាត់កំពុងតែយកចិត្តទុកដាក់ចំពោះអ្នក។ មិនយូរមិនឆាប់គាត់នឹងសារភាពប្រាប់ពីអារម្មណ៍ដែលមាននៅក្នុងចិត្តចេញមកដោយខ្លួនឯង។
ផ្លាស់ប្តូរឥរិយាបទភ្លាមៗពេលដែលជួបជាមួយអ្នក
ពេលខ្លះគាត់អាចផ្លាស់ប្តូរឥរិយាបទពីខុសពីធម្មតាភ្លាមៗ នៅពេលដែលបានជួបជាមួយអ្នក។ ឬក៏ជាធម្មតាគាត់តែងតែស្តែងចេញនូវសកម្មភាពយកចិត្តទុកដាក់ចំពោះអ្នក នៅក្នុងចំណោមមិត្តភក្តិ ប្រសិនបើអ្នកមានបញ្ហាអ្វីមួយ។
គាត់ចាត់ទុកអ្នកជាមនុស្សពិសេស
នេះគឺជាការបង្ហាញយ៉ាងច្បាស់នៅពេលដែលគាត់គិតគូពីអ្នកពិសេសជាងក្មេងស្រីផ្សេងទៀត ដែលនៅជុំវិញអ្នក។ ពេលខ្លះគាត់អាចប្រែក្លាយទៅជាមនុស្សម្នាក់ដែលមានភាពស្ងាត់ស្ងៀមប្រសិនបើអ្នកដឹងពីអារម្មណ៍ដែលគាត់មានមកលើអ្នក។
ធ្វើកាយវិកាត្រាប់តាមអ្នក
សម្រាប់សកម្មភាពដែលអ្នកចាប់ផ្តើមលេងជាមួយគាត់ពីដំបូង ឬក៏ពាក្យសំដីដែលអ្នកតែងតែនិយាយ គាត់នឹងយកសកម្មភាពទាំងនោះមកប្រើនៅថ្ងៃណាមួយ។ និយាយជារួមប្រសិនបើអ្នកទម្លាប់ធ្វើអ្វីគាត់នឹងព្យាយាមធ្វើតាមអ្នកជានិច្ច នេះជាសញ្ញាដែលបង្ហាញថាគាត់កំពុងតែមានចិត្តមកលើអ្នក៕
មតិយោបល់