លោក Roberto Mancini នៅតែស្តីបន្ទោសដាក់កូនក្រុមខ្លួន បន្ទាប់ពីទទួលបានលទ្ធផលល្អ។
មហាជននឹងអាចធ្វើដំណើរទៅទស្សនា ការប្រឈមមុខ រវាង Man City និង Aston Villa ថ្ងៃនេះ ដែលធ្វើឲ្យ Man City ទទួលសម្ពាធយ៉ាងខ្លាំង។មេឃខៀវ មានពិន្ទុតិចជាងក្លិប បិសាចក្រហមរហូតដល់ទៅ ១៥ ពិន្ទុ ។
Roberto Mancini បានឲ្យដឹងថាមេឃខៀវកំពុងទទួលបានលទ្ធផលអាក្រក់ ខណៈដែលអ្នកលេងរបស់ខ្លួនកំពុងលេងមិនបានល្អនោះ តែពួកគេត្រូវតែកែដើម្បីឈានទៅជ័យជម្នះនោះ។លោកបានឲ្យដឹងបន្តថា លោកមិនចូលចិត្តកីឡាករដែរលេងមិនដឹងកំហុសរបស់ខ្លួននោះទេ ។
គ្រូបង្វឹកសញ្ជាតិអង់អ៊ីតាលីរូបនេះ បានបន្ថែមទៀតថា ពេលខ្លះអ្វីដែលសំខាន់បំផុតនោះ គឺអ្នកត្រូវតែកែចំពោះកំហុស និងភាពកង្វះខាត់របស់អ្នក ទើបវាប្រសើរឡើង។ ពេលដែលអ្នកគ្មានកំហុសនោះគឺជាកីឡាករដែលស្ថិតនៅលំដាប់កំពូល និងអាចស្វែងរកលុយ ជាមួយនឹងទម្រង់លេងរបស់អ្នក បាន ១០០ភាគរយទៀតផង។ម្យ៉ាងវិញទៀត ខ្ញុំចង់ឲ្យអ្នកលេងទាំងអស់ ក្លាយជាកីឡាករខ្លាំងៗ នៅពេលដែលពួកគេមិនបានបង្ហាញទម្រង់លេងមានន័យថា មេឃខៀវ ត្រូវការអ្នកបម្រុង ខ្លាំង ២ ទៅ ៣ នាក់ ដើម្បីប្តូរជាមួយនឹងកីឡាករ ១១ នាក់ដំបូងនៅលើទីលាននោះ។
លើសពីនេះទៅទៀត Mancini បានបង្ហាញព័ត៌មានទៀតថា សម្រាប់មេឃខៀវនៅរដូវកាលនេះប្រហែលជាមិនអាចការពារតំណែងជើងឯក Premier League នៅរដូវកាលនេះ តែលោកនឹងខំឲ្យអស់ពីសមត្ថភាព៕
មតិយោបល់