តារាចម្រៀង Justine Bieber(JB) នៅពេលថ្មីៗនេះបានប្រារព ពិធីខួបកំណើតរបស់ខ្លួនឈានចូលវ័យ ១៩ ឆ្នាំ ជាមួយនឹងមិត្តភក្តិ និងមនុស្សស្រី ថ្មីម្នាក់ដែលគេសង្ស័យថាជាមិត្តស្រី ប៉ុន្តែចៃដន្យអាក្រក់នោះ មិត្តល្អរបស់តារាចម្រៀងរូបនេះរួមមាន Jaden Smith វ័យ ១៤ ឆ្នាំ និង មិត្តភក្តិស្រី Ella-Paige Roberts Clarke វ័យ ១៧ ឆ្នាំ ត្រូវបានគេមិនអនុញ្ញាតិឲ្យចូលក្នុងក្លិបកម្សាន្ត Cirque Du Soir ដោយមូលហេតុអាយុមិនគ្រប់។ការបាត់បង់វត្តមានរបស់អ្នកទាំងពីរបានធ្វើឲ្យ Justine Bieber មិនសប្បាយចិត្តនោះទេ។
ព្រឹកបន្ទាប់តារាចម្រៀងឈានចូលវ័យ ១៩ ឆ្នាំរូបនេះ បានចាកចេញពីសណ្ឋាគារ ជាមួយនឹងការបង្ហាញ វត្តមានមិត្តស្រីវ័យ ១៧ ឆ្នាំ Ella-Paige ដែលនាងស្លៀកពាក់ដូចកាលពីរាត្រីបេះដាក់ ដោយអាវធំពណ៌ក្រហម និងសំពត់ខ្លី ពណ៌ខ្មៅ ។Ella-Paige មើលទៅគួរចាប់អារម្មណ៍ណាស់ជាមួយនឹងសក់រយីករយោក ខណៈដែលនាងចាកចេញពីសណ្ឋាគារ ។
ប្រភពព័ត៌មានរបស់ E!News បានបង្ហាញឲ្យដឹងថា Justine មានគម្រោងធ្វើខួបកំណើត ជាមួយនឹងស្តាយ៍គួរឲ្យចង់អស់សំណើច ដោយចំណាយទឹកប្រាក់ £ 10,000 ជាមួយនឹងមិត្តភក្តិ ២០ នាក់ និងក៏មានមនុស្សខ្លះអវត្តមានក្នុងការចូលរួមក្នុងកម្មវិធី របស់តារារូបនេះ ដោយត្រូវបានសន្តិសុខក្លិបមិនឲ្យចូល ក្នុងនោះក៏រួមមានមិត្តស្រីថ្មីរបស់តារាចម្រៀង JB ។
JB ក៏បានធ្វីតនៅលើធ្វីតទ័រ មុនកម្មវិធី ជប់លៀងថា “រាត្រីនេះយើងនឹងសប្បាយរីករាយ នៅទីនោះ អរគុណសម្រាប់អ្នកទាំអស់គ្នាដែលបានចូលរួមប្រារពខួប ១៩ឆ្នាំ”៕
មតិយោបល់