កងការពារដែនសមុទ្រនៃប្រទេសជប៉ុនបានចាប់ខ្លួននាវិកសមុទ្រជនជាតិចិនម្នាក់ដោយចោទប្រកាន់ទៅលើការនេសាទខុសច្បាប់នៅក្នុងតំបន់សេដ្ឋកិច្ចរួមគ្នានៃប្រទេសទាំងពីរនាថ្ងៃអង្គារនេះ។
ទូកនេសាទផ្កាថ្មចិនដែលមានក្រុមអ្នកនេសាទ ១១នាក់ត្រូវបានឃាត់ខ្លួននៅចំណុចមួយដែលមានចម្ងាយប្រមាណ ៤៤គីឡូម៉ែតពីច្រាំងសមុទ្រនៃកោះ មីយ៉ាកូរបស់ជប៉ុន។អ្នកនាំពាក្យម្នាក់បាននិយាយថាក្រោយពីបានទទួលការរាយការណ៍ថាមានទូកនេសាទមួយគ្រឿងបានចូលមកក្នុងតំបន់នោះខាងជប៉ុនបានបញ្ជូននាវាល្បាត ៣គ្រឿងទៅភ្លាមដើម្បីបញ្ឈប់ និងធ្វើការសាកសួរ។
គេសង្កេតឃើញថារដ្ឋាភិបាលរបស់ចិននៅតែធ្វើឲ្យមានរឿងដដែលៗទៅលើកោះជម្លោះនៅភាគខាងកើតនៃសមុទ្រចិនតាំងពីខែមិថុនាមកម្ល៉េះខណៈដែលជប៉ុនបានដាក់កោះទាំងនោះក្លាយជារបស់ខ្លួនហើយរួចរាល់។ កាលពីដើមខែកុម្ភៈនាវិកចិនមួយរូបដែលត្រូវបានជប៉ុនដោះលែងបន្ទាប់ពីបានចាប់ឃុំខ្លួនពីបទនេសាទផ្កាថ្មខុសច្បាប់លើតំបន់តំបន់កោះនេះក្រោយពីបានបង់ប្រាក់ធានាខ្លួនហើយ។
ក្រោមច្បាប់ដែលចែងដោយរដ្ឋាភិបាលចិនបានដាក់ទោសដល់ជនណាដែលចូលមកធ្វើការនេសាទខុសច្បាប់ក្នុងតំបន់សេដ្ឋកិច្ចរួមគ្នានេះក្នុងរយៈចម្ងាយ ៣២២គីឡូម៉ែត្រ នឹងរងនូវការពិន័យជាទឹកប្រាក់ ១០លានយ៉េន៕
មតិយោបល់