កាលពីថ្ងៃចន្ទ ម្សិលមិញនេះ ក្រុមហ៊ុន Eastman Kodak Co (Kodak) បានបង្ហាញឲ្យដឹងថា នៅក្នុងត្រីមាសទី៤ ឆ្នាំ ២០១២ ប្រាក់ចំណូលរបស់ក្រុមហ៊ុនធ្លាក់ចុះទ្វេ១ជា៣ ប៉ុន្តែក្រុមហ៊ុនជឿជាក់ថា នៅពាក់កណ្ដាលឆ្នាំ ២០១៣ ខ្លួននឹងរួចផុតពីវិបត្តិក្ស័យធន។
នៅក្នុងឆ្នាំ ២០១២ ប្រាក់ចំណូលរបស់ក្រុមហ៊ុន Kodak បានធ្លាក់ចុះ ៨០ភាគរយ ពោលគឺធ្លាក់ចុះចាប់តាំងពីក្រុមហ៊ុន Kodak ប្រកាសក្ស័យធន។
កាលពីដើមឆ្នាំ ២០១២ ក្រុមហ៊ុន Kodak បានប្រកាសក្ស័យធន បន្ទាប់មក តុលាការបានផ្ដល់ប្រាក់កម្ចីដល់ក្រុមហ៊ុន Kodak ដើម្បីស្រោចស្រង់ រហូតដល់ចុងឆ្នាំ ២០១២ តុលាការតម្រូវឲ្យKodak លក់ប៉ាតង់របស់ខ្លួនដើម្បីសងបំណុល ហើយនៅទីបំផុត Kodak បានស្រោចស្រង់ក្រុមហ៊ុនវិញបាន ប៉ុន្តែស្ថេរភាពនៅមិនទាន់ ដំណើរការល្អ។
លោក Antonio Perez នាយកប្រតិបត្តិក្រុមហ៊ុន Kodak បានថ្លែងឲ្យដឹងថា បើទោះបីជានៅពេលនេះ ប្រាក់ចំណូលរបស់ក្រុមហ៊ុនធ្លាក់ចុះស្ទើរតែដល់ចំណុចសូន្យក្ដី ប៉ុន្តែនៅពាក់កណ្ដាលឆ្នាំ ២០១៣ ក្រុមហ៊ុននឹងងើបផុតពីវិបត្តិក្ស័យធន៕
ព័ត៌មានជាតិ
មតិយោបល់