មកទៀតហើយ មិនឆ្ងាយពីភូមិរបងអ្នកនោះទេ ជាមួយនិងម្ហូបមួយប្រភេទ ដែលក្នុងផ្ទះប្រជាពលរដ្ឋខ្មែររបស់យើងមានមិនដាច់នោះគឺ ផ្អក ប្រហុក ពោលគឺរបស់ផ្អាប់។ របស់ផ្អាប់នេះដែរ ជាអាហារសំខាន់របស់ប្រជាពលរដ្ឋខ្មែរ ក៏ជាអាហារប្រចាំសាសខ្មែរផងដែរ ។ តែអាហារខាងក្រោមនេះវាមានលក្ខណៈប្លែកមែនទែន ទោះបីជាវាមានឈ្មោះថា ផ្អកត្រីចៀនមែនពិត តែគេមិនបានយកផ្អកដែលយើងផ្អាប់ទុករាប់ថ្ងៃ មកធ្វើនោះ ទេ ទាំងនេះមាន
ដូចខាងក្រោមនេះ៖
គ្រឿងផ្សំ
ត្រី ម្ទេស អំបិល ក្រូចឆ្មារ ប្រេងឆា ខ្ទឹមក្រហម
វិធីធ្វើ
១- ត្រីរ៉ស់តូចល្មម ៣-៤ក្បាល, អង្ករលីង (បុកអោយម៉ដ្ឋ) ៣ស្លាបព្រាបាយ, ម្ទេសខ្មាំងហាន់ ៤គ្រាប់, មើមខ្ទឹមក្រហមហាន់ទទឹងៗ ៣មើម, អំបិលម៉ដ្ឋ ២ស្លាបព្រាបាយ,ក្រូចឆ្មារ ១ផ្លែ , ប្រេងឬខ្លាញ់សំរាប់ចៀន
២- ធ្វើស្រកាត្រី វះពោះយកពោះវៀនចេញ រួចកាត់ក្បាលចោល លាងទឹកអោយស្អាត ទុកអោយស្រស់ទឹក
៣- ប្រឡាក់ត្រីនិងអំបិល រួចផ្អាប់ទុកប្រហែល ១០ថ្ងៃ
៤- យកត្រីប្រឡាក់មកប្រឡាក់អង្ករលីង ហើយផ្អាប់ទុកប្រហែល៥ថ្ងៃ
៥- ចៀនផ្អកត្រី រហូតដល់ក្រៀមឆ្អិនល្អហើយ ច្របាច់ក្រូចឆ្មារពីលើអោយសព្វ បន្ទាប់មកដាក់ខ្ទឹមក្រហម ម្ទេសពីលើជាការស្រេច ៕
មតិយោបល់