ទីក្រុងLima: យ៉ាងហោចណាស់ក៏មានមនុស្ស 24 នាក់ដែលភាគច្រើនជាកម្មកររុករករ៉ែ បានបាត់បង់ជីវិតហើយ 24 នាក់ទៀតរងរបួសនៅក្នុងហេតុការណ៍ឡានក្រុងបើកធ្លាក់ជ្រលងជ្រោះមួយកន្លែងនៅតំបន់ភាគខាងត្បូងនៃប្រទេសប៉េរូ កាលពីថ្ងៃពុធម្សិលមិញ។
ហេតុការណ៍ដ៏អាក្រក់នេះបានកើតឡើងនៅម៉ោងប្រហែល 7 ព្រឹកនៅពេលដែរថយន្តកំពុងបើកបរនៅលើhigh wayមួយចម្ងាយប្រមាណ 1000 គីឡូម៉ែតពីទីក្រុងLimaរបស់ប៉េរូ។ដោយបើកបរក្នុងគោលដៅពីតំបន់ទីប្រជុំជន Orocampa ទៅកាន់ទីក្រុង Arequipa ក្នុងចម្ងាយប្រហែលជា150គីឡូម៉ែតពីគ្នាដែលមានអ្នកដំណើរសរុប48នាក់ដើម្បីចូលរួមពិធីបុណ្យ Holy Week។នៅពេលរថយន្តបរបានចម្ងាយ84គីឡូម៉ែតនៅលើកំណាត់ផ្លូវនេះស្រាប់តែកង់ឡានរអិលធ្វើឲ្យរថយន្តរអិលចេញពីផ្លូវហើយធ្លាក់ចុះទៅក្រោមជ្រលងប្រហែលជា 100 ម៉ែតតែម្តង។
អជ្ញាធរបានរាយការណ៍ថាចំនួននៃអ្នកស្លាប់អាចនឹងកើនឡើងខណះដែលក្រុមអ្នកសង្គ្រោះនៅកំពុងតែបន្តការរុករកនៅឡើយហើយការងារនឹងប្រើរយះពេលយូរដោយសារតែលក្ខណនៃសណ្ឋានដីចោតៗដែលពិបាកក្នុងការរុករក។ជនរងគ្រោះដែលរងរបួសខ្លាំងត្រូវបានបញ្ជូនទៅមន្ទីរពេទ្យអស់ហើយដើម្បីទទួលការព្យាបាល។
លោកHugo Zea ប្រធាននាយកដ្ឋានដឹកជញ្ជូនប្រចាំតំបន់បាននិយាយថារថយន្តមានប័ណ្ណបើកបរត្រឹមត្រូវហើយបានថែមទាំងដំណើរការនៅទីនោះអស់រយះពេលបីឆ្នាំមកហើយចំណែកប្រព័ន្ធGPSក៏មានដែរ ដូចនេះហើយយើងមិនអាចកំណត់ពីមូលហេតុនៃការណ៍គ្រោះថ្នាក់លើកនេះទេ។
គួរបញ្ជាក់ផងដែរថាមានប្រជាជនប៉េរូ 3500 នាក់បានបាត់បង់ជីវិតជារៀងរាល់ឆ្នាំក្នុងគ្រោះថ្នាក់ចរាចរណ៍ដែលភាគច្រើនគឺបណ្តាលមកពីការបើកបរហួសល្បឿនការងងុយដេកនិងបញ្ហាគ្រឿងម៉ាស៊ីន៕
មតិយោបល់