ខ្សែប្រយុទ្ធក្លិបកាំភ្លើងធំ Arsenal គឺកីឡាករ Olivier Giroud បានព្រមព្រៀងចុះកិច្ចសន្យាថ្មី ជាមួយក្លិបរហូតដល់ឆ្នាំ ២០១៨ ។កីឡាករអន្តរជាតិបារាំងរូបនេះបានយល់ព្រមបន្តកិច្ចសន្យាថ្មីជាមួយក្លិបរយៈពេល២ឆ្នាំបន្ថែមទៀត ហើយព័ត៌មានជាផ្លូវការនឹងត្រូវប្រកាសនៅចុងសប្តាហ៍នេះ ។
យោងតាមគេហទំព័រ The Mirror បានផ្សព្វផ្សាយថា កិច្ចសន្យាថ្មីនេះនឹងធ្វើឲ្យ Giroud រកចំណូលបាន ៨ម៉ឺនផោនក្នុងមួយសប្តាហ៍ហើយរូបគេបានក្លាយជាកីឡាករចុងក្រោយបំផុតដែលបន្តកិច្ចសន្យាថ្មីនៅទឹកដី Emirates បន្ទាប់ពីកីឡាករ Laurent Koscielny (ឡូរ៉ង់ កូស្គែលនី) Per Mertesacker (ភើ មឺតេហ្សេកគ័រ) Wojciech Szczesny (វ៉ូសេស សេសស្នី) Santi Cazorla (សាន់ទី កាហ្សូឡា) និង Tomas Rosicky (ថូម៉ាស រ៉ូស៊ីកគី) ។គួរបញ្ជាក់ថា បច្ចុប្បន្ន Giroud កំពុងមានបញ្ហារបួសជើងហើយត្រូវបានគេរំពឹងថានឹងជាសះស្បើយឡើងវិញនៅក្នុងឆ្នាំថ្មី ៕
ព័ត៌មានជាតិ
មតិយោបល់