Rio De Janeiro: រថយន្តក្រុងបើកធ្លាក់ស្ពានមួយគ្រឿងបានសម្លាប់យ៉ាងហោចណាស់អ្នកដំណើរ 7 នាក់បានស្លាប់និងធ្វើឲ្យរបួស 6 នាក់ផ្សេងទៀតនៅថ្ងៃអង្គារកន្លងទៅនេះនៅពេលដែលពួកគេធ្វើដំណើរឆ្លងកាត់ទីក្រុងRio De Janeiro របស់ប្រទេសប្រេស៊ីល។
ហេតុការណ៍បើកធ្លាក់ស្ពានបានកើតឡើងនៅប្រមាណម៉ោង 19 និង 30 នាទីម៉ោងសាកលនៅពេលដែលឡានក្រុងមួយបានបើកធ្លាក់ចេញពីរបាបង្កាន់ដៃស្ពានហើយធ្លាក់ទៅក្រោមកំពស់ប្រហែល4ម៉ែតនិងបន្ទាប់មកបានបណ្តាលឲ្យមានការស្ទះចរាចរណ៍យ៉ាងខ្លាំង។
ចំនួននៃអ្នកស្លាប់ត្រូវបានបញ្ជាក់ថាគឺមាន 7 នាក់ខណះដែល5នាក់ជាបុរសពេញវ័យនិង 2 នាក់ទៀតជាស្ត្រី។ថ្វីត្បិតចំនួននៃអ្នករងរបួសសំរាប់ឥឡូវមានតែ 6 នាក់មែនហើយបានបញ្ជូនទៅកាន់មន្ទីរពេទ្យរួចរាល់ហើយក៏ប៉ុន្តែគេអាចប៉ានស្មានថានឹងមានការកើនឡើងនៅពេលដែលក្រុមជួយសង្គ្រោះនៅបន្តការងារនៅឡើយ។
មិនទាន់មានមូលហេតុនៃការបណ្តាលឲ្យមានហេតុការណ៍នេះកើតឡើងយ៉ាងដូច្នេះនៅឡើយប៉ុន្តែមានប្រភពមួយចំនួនបាននិយាយថាអ្នកបើកបរមានការឈ្លោះប្រកែកជាមួយនឹងអ្នកដំណើរពីថ្លៃសំបុត្រមុនពេលរថយន្តបើកធ្លាក់ស្ពាន៕
មតិយោបល់