ប្រភពព័ត៌មានពីកាសែតស៊ិនហួរបាននិយាយថាមន្ត្រីរដ្ឋាភិបាល៦ នាក់មកពីទីក្រុង Xinmi ភាគកណ្តាលនៃខេត្តហេណានត្រូវបានស្លាប់នៅក្នុងហេតុការណ៍គ្រោះថ្នាក់ចរាចរណ៍ឡានបុកគ្នាកាលពីព្រឹកថ្ងៃអាទិត្យនេះ។
ហេតុការណ៍នេះបានកើតឡើងនៅវេលាម៉ោង ០០ និង ៤០ នាទីព្រឹកព្រលឹមនៅពេលដែលឡានម៉ាក MPV របស់ពួកគេបានបុកទង្គិចជាមួយនឹងរថយន្តមួយទៀតដែលកំពុងបើកយឺតៗនៅលើផ្លូវមួយក្នុងទីក្រុង Xinmi ។មន្ត្រីទាំង ៦ រូបដែលមានម្នាក់ជាប្រធានគណះកម្មការក្រុង Xinmi និងជាសមាជិកក្រុមគណះកម្មការបក្សកម្មុយនីសប្រជាជនចិនប្រចាំខេត្ត Xinmi បានស្លាប់ភ្លាមៗនៅក្នុងហេតុការណ៍នេះ។ក្រុមមន្ត្រីដទៃទៀតដែលបានរងគ្រោះត្រូវបានបញ្ជូនទៅមន្ទីរពេទ្យដើម្បីទទួលការព្យាបាល។
ក្រុមមន្ត្រីទាំងអស់មានបំណងនឹងត្រឡប់ទៅកាន់ទីក្រុង Xinmi វិញទាំងយប់បន្ទាប់ពីបញ្ចប់ទស្សនកិច្ចរបស់ខ្លួននៅខេត្ត Fujian ភាគអាគ្នេយន៍នៃប្រទេស ដើម្បីត្រឡប់ឲ្យទាន់ការប្រជុំរដ្ឋាភិបាលមួយនៅព្រឹកថ្ងៃអាទិត្យ។ការស៊ើបអង្កេតនៅតែបន្តនៅឡើយក្នុងហេតុការណ៍គ្រោះថ្នាក់លើកនេះ៕
មតិយោបល់