នៅក្នុង សៀវភៅ “7 habits of Highly Effective People” ដែលនិពន្ធដោយលោក Stephen R. Covey អាចបង្ហាញឲ្យអ្នកអានទាំងអស់គ្នាបានដឹងពី ទំលាប់ទាំង ៧ យ៉ាងដែលមនុស្សទទួលបានជោគជ័យច្រើនអនុវត្ត ហើយជាឪកាសសំរាប់ស្វែងយល់ពីខ្លួនរបស់អ្នក និង ការជិះឥទ្ធិពលរបស់អ្នកចំពោះអ្នកដ៏ទៃ ។រាល់ភាពជោគជ័យ ក្នុងជីវិតភាគច្រើន សុទ្ធតែចាប់ផ្តើមចេញពីទំលាប់របស់អ្នក ហើយដែលអ្នកនិពន្ធបានឆ្លងកាត់ សង្កេតឃើញ និងបានប្រមូលចងក្រងបានជាសៀវភៅ មួយ ក្បាលដែល និយាយ ពីទំលាប់របស់អ្នកដែលទទួលបានជោគជ័យ ក្នុងជីវិតរបស់ពួកគេដែលវាជាផ្នែកមួយជំនួយ សំរាប់អ្នកតែត្រៀមខ្លួនសំរាប់ទទួលបានជោគជ័យ ។
https://i1272.photobucket.com/albums/y389/domneng/Impress-People_zps1becbf06.jpg
សៀវភៅ 7 habits of Highly Effective People” ដែលនិពន្ធដោយលោក Stephen R. Covey ជាសៀវភៅមួយដែលមានសារប្រយោជន៍ និង មានឥទ្ធិពលលើការគិតរបស់អ្នកអាន និង អាចកែប្រែសកម្មភាពរបស់អ្នកបានទៀតផង។ ពេលនេះ ខ្ញុំសូមលើកយកដោយសង្ខេប នូវទំលាប់ ទាំង ៧ យ៉ាង របស់អ្នកដែលទទួលបានជោគជ័យ ដើម្បីយកមកបង្ហាញ មិត្តអ្នកអានទាំងអស់ទុកជាគំនិតសំរាប់ពិចារណា
ទំលាប់ទី ១ តែងតែសកម្ម
ការផ្លាស់ប្តូរតែងតែចេញមកពីចិត្តនៃមនុស្សម្នាក់ៗ ។ មនុស្សដែលទទួលបានជោគជ័យក្នុងជីវិតជាមនុស្សដែលមានសកម្មភាពយ៉ាងសកម្ម ដោះស្រាយ និង គ្រប់គ្រងលើ បញ្ហាដែលកំពុងជួមប្រទះ ដោយមិនបណ្តោយតាមជោគវាសនាទាំងស្រុងនោះទេ ។គេជឿថា សកម្មភាពយ៉ាងសកម្មរបស់ពួកគេនឹងមានឥទ្ធិពលក្នុងការរៀបចំជោគវាសនារបស់ពួកគេ។
ទំលាប់ទី ២ ចាប់ផ្តើមកំនត់គោលដៅពីតូចទៅធំ
អ្នកត្រូវកំនត់ទិសដៅអនាគតរបស់អ្នកឲ្យបានច្បាស់លាស់ ។ ការកំនត់គោលដៅ គឺអ្នកធ្វើយ៉ាងណាធានា ឲ្យបាននូវគោលដៅរយៈពេលវែង និង រយៈពេលខ្លី ក្នុងដំណើរឆ្ពោះទៅរកគោលដៅរយៈយុអង្វែងរបស់អ្នក ។ ការកំនត់គោលដៅរយៈពេលខ្លីមានសារៈសំខាន់ណាស់ ព្រោះវាមានតួនាទីជាកំលាំងជំរុញឲ្យយើងព្យាយាមបន្តទៀតដើម្បី សំរេចគោលបំណងរបស់អ្នក។
ទំលាប់ទី ៣ ផ្តល់អាទិភាពដោះស្រាយរឿងដែលសំខាន់ជាង
អ្នកត្រូវកំនត់ឲ្យបាននូវរាល់កិច្ចការដែលអ្នកទទួលខុសត្រូវថាការងារណាដែលមានសារសំខាន់ជាងហើយត្រូវផ្តល់អទិភាពក្នុងការដោះស្រាយមុន។ ក្នុងជីវភាពប្រចាំថ្ងៃ អ្នកដែលទទួលបានជោគជ័យមានរឿងជាច្រើនដែលត្រូវធ្វើ និង ដោះស្រាយ តែគេអាចធ្វើបានយ៉ាងល្អ ព្រោះគេមានទំលាប់បែងចែកកំនត់កំរិតចាំបាច់ចំពោះការងារនីមួយៗ ។
ទំលាប់ទី ៤ ប្រើដំណោះស្រាយ ឈ្នះទាំងអស់គ្នា
ដោះដំណោះស្រាយឈ្នះទាំងអស់គ្នា អាចហៅថា ជាដំណោះស្រាយទី ៣ ព្រោះនៅជា ដំណោះស្រាយ មិនមែនខ្ញុំចំនេញ ឬ អ្នកចំនេញ តែជាដំណោះស្រាយដែលភាគីទាំងពីរ សុទ្ធតែចំនេញ។ក្នុងដំណោះស្រាយរាល់បញ្ហាអ្នកត្រូវឈរលើគោល ការ ឈ្នះ ឈ្នះ នោះអ្នកនឹងទទួលបានជោគជ័យ ក្នុងការពិភាក្សា អ្នកមិនអាចគិតតែពីផលប្រយោជន៍របស់អ្នកដោយអ្នកដទៃជាអ្នកខាតបងនោះទេ ។
ទំលាប់ទី៥ ស្គាល់គេ ដើម្បីឲ្យគេស្គាល់យើង
ចូរព្យាយាមយល់ពីអ្នកដទៃមុនពេលចង់ឲ្យអ្នកដ៏ទៃយល់ពីអ្នក ។ នេះជាទំលាប់ដែលសំខាន់ក្នុងការទំនាក់ទំនង ។ អ្នកមិនត្រូវបញ្ចប់ត្រឹមតែការ ស្តាប់គេនោះទេ តែអ្នកត្រូវចេះដាក់ខ្លួនឯងចូលក្នុងស្ថានភាពរបស់អ្នកដ៏ទៃ ដើម្បីយល់ពីអារម្មណ៍ ការគិត និង សកម្មភាពរបស់ពួកគេ។
ទំលាប់ទី ៦ បង្កើតសាមគ្គីរួមកំលាំង អភិវឌ្ឍន៍
ការបង្រួបបង្រួមជាកំលាំងមួយដែលមានសារសំខាន់ និង មានកំលាំងជាងការសំរេចដោយ ឯកឯង ។ ដោយមានការយល់ចិត្តគ្នា ការជឿទុកចិត្តគ្នា អ្នកអាចដោះស្រាយបញ្ហាបានយ៉ាងល្អ ជាងការដែលអ្នកដោះស្រាយបញ្ហាដោយមិនបានយកយោបល់របស់អ្នកដ៍ទៃយកមកពិចារណា។
ទំលាប់ទី ៧ រៀនសូត្រជាប្រចាំ
អ្នកមិនត្រូវត្រេកត្រអាលនឹងអ្វីដែលអ្នកកំពុងមានពេកទេ អ្នកត្រូវចាំថា គ្មានអ្វីដែលស្ថិតស្ថេរជានិច្ចនោះទេ ហេតុនេះការអភិវឌ្ឍន៍ខ្លួនជាប្រចាំជារឿងសំខាន់ណាស់ ។ អ្នកត្រូវជាមនុស្សដែលមានការអភិវឌ្ឍន៍ជានិច្ចពីមួយថ្ងៃទៅមួយថ្ងៃទោះបីជាច្រើនឬ តិចក៏ដោយ តែអ្នកត្រូវដឹងថា អ្នកមានការរីកចំរើនជាង ម្សិលមិញ មិនមែនកើនតែអាយុ នោះទេ ទាំងចំនេះដឹង និង បទពិសោធន៍ ក៏មានការរីកចំរើនផង ដែរ៕
ប្រែសម្រួលអត្ថបទដោយ៖ លោក ម៉ៅ សុខេន
ដកស្រង់ចេញពី ៖7 habits of Highly Effective People
មតិយោបល់