កូឡាឡាំពួរ: ចំនួនជាមធ្យមប្រហែល 100 ករណីអំពើហិង្សាផ្សេងៗគ្នានៅក្នុងមួយថ្ងៃបានធ្វើឲ្យមានការរង្គោះរង្គើប្រទេសម៉ាឡេស៊ីក្នុងរយះពេលប៉ុន្មានថ្ងៃចុងក្រោយនេះមុនពេលការបោះឆ្នោតលើកទី 13 របស់ខ្លួនជិតខិតមកដល់គឺនៅថ្ងៃទី 5 ឧសភាខាងមុខនេះ។
https://i1272.photobucket.com/albums/y389/domneng/photo_1366773659430-1-0_zps4e351e50.jpg
របាយការណ៍បាននិយាយថាភាគច្រើននៃជម្លោះកើតចេញពីក្រុមគាំទ្របក្សផ្សេងគ្នាតាមរយះការប៉ះទង្គិចដោយការវាយតប់គ្នាការប្រឈមមុខគ្នាដោយអាវុធដូចជាកាំបិតជាដើមបានក្លាយជាប្រធានបទធំបំផុតប្រចាំថ្ងៃរបស់ប្រទេសនិងជារឿងធម្មតា។
ចំនួនសរុបដែលមានទៅដល់ 1056 ករណីមកហើយ 30 នាក់ត្រូវបានចាប់ខ្លួនពីបទប្រើប្រាស់អំពើហិង្សាទៅលើក្រុមប្រឆាំងម្ខាងទៀតដោយអាវុធ។
គួរបញ្ជាក់ផងដែរថាអំពើហិង្សានានាដែលបានចាប់ផ្តើមឡើងក្រោយការរំលាយសភាកាលពីថ្ងៃទី 3 មេសាថ្មីៗនេះដោយលោកនាយករដ្ឋមន្ត្រីរបស់ម៉ាឡេស៊ីបានធ្វើឲ្យមានភាពអាប់អួរយ៉ាងខ្លាំងនៅក្នុងប្រទេសប៉ុន្តែទោះបីជាយ៉ាងណាប្រជាពលរដ្ឋទាំងអស់គ្នានឹងនៅត្រូវចាំមើលលទ្ធផលនៃការបោះឆ្នោតលើកទី 13 របស់ខ្លួននៅខែក្រោយនេះហើយ៕
មតិយោបល់