ឈ្មោះក្លិបបិសាចក្រហម ប្រហែលជាមិនអាចធ្វើឲ្យកីឡាករ Robert Lewandowski ទាក់ចិត្តបានឡើយ។
បន្ទាប់ពីស្វែងរកគ្រាប់បាល់រហូតដល់ទៅ ៤ គ្រាប់ ក្នុងការបំបាក់ Real Madrid ក្លិប Borussia Dortmund កំពុងតែត្រៀមខ្លួនជួបជាមួយនឹង Bayern Munich នៅវគ្គផ្តាច់ព្រ័ត្រ ក្នុងក្របខណ្ឌ Champions League ។ ក្រោយពីការស្វែងរកគ្រាប់បាល់ដ៏ច្រើនលើសលប់នោះ កីឡាករ ប្រយុទ្ធ សញ្ជាតិប៉ូឡូញរូបនេះ ទទួលបានកិត្តិនាមល្បីរន្ទឺ ហើយក៏ឈានដំណើរឡើងកាន់កម្រាលព្រំក្រហម ជាមួយនឹង បិសាចក្រហម តែកាពិភាក្សានោះមិនបានជោគជ័យនោះទេ។
https://i1272.photobucket.com/albums/y389/domneng/RobertLewandowski-249b3_zpsb27fdf5d.jpg
ក្នុងបទសម្ភាសន៍ថ្មីៗនេះ ជាមួយនឹង អ្នកបញ្ជាបិសាចក្រហម លោក Ferguson បានបង្ហើបព័ត៌មានផ្ទាល់ខ្លួនថា ពហុកីឡដ្ឋាន Old Traford នឹងនាំយកកីឡាករ Lewandowski ។ស្របជាមួយនឹងគ្នានេះដែរ Man Utd បានចំណាយទឹកប្រាក់ £ 25m ដើម្បីទិញកីឡាកររូបនេះ ពី Dortmund ដោយធ្វើការកុងត្រាតែមួយឆ្នាំតែប៉ុណ្ណោះ។
តែទោះបីជាយ៉ាងណាក៏ដោយ សម្រាប់ឈ្មោះ បិសាចក្រហម មិនបានទាក់ទាញចិត្តដល់កីឡាករវ័យ ២៤ ឆ្នាំ សញ្ជាតិប៉ូឡូញ រូបនេះឡើយ។ប្រភពព័ត៌មានរបស់ The Sun ឯណោះវិញ បានចុះបង្ហាញ ឲ្យដឹងផងដែរថា កីឡាករ Robert Lewandowski គឺបានពិភាក្សាជាមួយនឹងក្លិប Bayern Munich និងបានធ្វើការព្រមព្រៀងគ្នា។
ប្រភពព័ត៌មានរបស់ ក្លិប Bayern Munich បានឲ្យដឹងផងដែរថា ខ្សែប្រយុទ្ធ សញ្ជាតិប៉ូឡូញរូបនេះ បានចុះកុងត្រាជាមួយនឹង ក្លិបរយៈ ៥ ឆ្នាំ ដោយទំហំទឹកប្រាក់ £ 160,000 ក្នុងរយៈពេល មួយសប្តាហ៍ តែកំពុងតែរងចាំការងក់ក្បាលពីក្លិប Dortmund ផងដែរ។
តែព័ត៌មានចុងក្រោយនេះបានបង្ហាញបន្តថា កីឡាករវ័យ ២៤ ឆ្នាំរូបនេះនឹងធ្វើដំណើរទៅកាន់ Bayern Munich ជាមួយនឹងកីឡាករ Mario Goetze នារដូវកាលក្រោយនេះ៕
មតិយោបល់