កាលពីថ្ងៃពុធ កន្លងទៅនេះ ទីភ្នាក់ងារព័ត៌មាន Reuters បានចុះផ្សាយថា ក្រុមហ៊ុន Apple នឹងបង្ហាញ iPhone អេក្រង់ធំ តម្លៃថោក និងច្រើនពណ៌ ដោយឡែកនៅថ្ងៃនេះ Reuters បានចុះផ្សាយថា Apple នឹងបង្ហាញ iPhone 5S។
ទីភ្នាក់ងារព័ត៌មានខាងលើបានបញ្ជាក់ថា iPhone 5S នឹងមាននូវមុខងារស្គែនម្រាមដៃ ដើម្បីបង្កើននូវប្រព័ន្ធសុវត្ថិភាពលើកការប្រើប្រាស់។ មូលហេតុដែលប្រភពខាងលើហ៊ានអះអាងថា iPhone 5S មានមុខងារស្គែនម្រាមដៃ ដោយសារតែ ក្រុមហ៊ុន Apple បានទិញយកក្រុមហ៊ុន Authentec ដែលជាក្រុមហ៊ុនបង្កើតបច្ចេកវិទ្យាស្គែនម្រាមដៃសម្រាប់ទូរស័ព្ទដៃ។
គួរបញ្ជាក់ផងដែរថា បច្ចុប្បន្ននេះ នៅលើ iPhone មានមុខងារ Passcode សម្រាប់ដាក់លេខសម្ងាត់ដើម្បីការពារទូរស័ព្ទ៕
ព័ត៌មានជាតិ
មតិយោបល់