បន្ទាប់ពី កូរ៉េខាងត្បូង ទទួលបានភាពជោគជ័យនៃវិស័យឧស្សាហកម្មដូរតន្ត្រី សម្រាប់ប្រទេសរបស់ខ្លួននៅលើឆាកអន្តរជាតិ ធ្វើឱ្យជីវភាពតន្ត្រីករ-តន្ត្រីការិនីរបស់ប្រទេសនេះ មានភាពធូរធារ និងទទួលបានកំណត់ត្រាខាងផ្នែកម៉ូដសក់ ( hairstyle ) កំពុងពេញនិយម គួរឱ្យកត់សម្គាល់។
នៅក្នុងឆ្នាំ 2013 នេះ និន្នាការទីផ្សាររចនាប័ទ្មម៉ូដសក់កូរ៉េខាងត្បូង ត្រូវបានព្យាករណ៍ថា អាចនឹងមានសក្តានុពលគាំទ្រទូទាំងពិភពលោក។ បណ្តាសិល្បករ-សិល្បការិនីរបស់ប្រទេសនេះ បានចាប់ផ្តើមប្រើប្រាស់នូវរចនាប័ទ្មម៉ូដសក់ថ្មីប្លែកនៃគំនិតច្នៃប្រឌិតមួយ ដែលនឹងក្លាយទៅជានិន្នាការមួយ សម្រាប់បម្រើឱ្យ Kpop Hairstyle 2013 ដោយចាប់ផ្តើមពីការលេងពណ៌សក់ និងឈានទៅដល់ការកាត់ម៉ូដសក់ ដ៏ស្រស់ស្អាត។
និន្នាការ Kpop Hairstyle ឆ្នាំ 2013 គឺកំពុងត្រូវបានអះអាងថា ក្នុងឆ្នាំ 2013 នេះ អាចមិនដូចកាលពីឆ្នាំ 2012 ឡើយ ម្ល៉ោះហើយ ដោយមានការជួយជ្រោមជ្រែង និងប៉ះដៃ អំពីបណ្តាសិល្បករ-សិល្បការិនីកូរ៉េខាងត្បូង ទើបបង្កើតឱ្យមានទីផ្សាររចនាប័ទ្មម៉ូដសក់ប្លែកៗ តាមរយ:ហាងជាច្រើន ដែលទើបបង្កើតថ្មីៗ ជ្រកក្រោមស្លាកសញ្ញានៃភាពល្បាញល្បីយីហោ Kpop Hairstyle ឆ្នាំ 2013 ទៀតផង។ ម៉ូដសក់ទឹករលក (diluting hairstyles) ជាមួយនឹងការកាត់តម្រឹមផ្នែកខាងមុខ ដូចជាសក់សេះនោះ ក៏ក្លាយទៅជានិន្នាការមួយកំពុងត្រូវប៉ាន់ក្នុងឆ្នាំ 2013 នេះផងដែរ។
ម្យ៉ាងទៀត ឬដោយការលេង ពណ៌សក់ ( coloring ) ផ្នែកជាក់លាក់នៃសក់ ដូច្នេះមើលទៅឃើញថា វាមានសភាពខុសគ្នាពីមនុស្សភាគច្រើនបំផុត។ ទន្ទឹមហ្នឹងនឹង ការរចនាម៉ូដសក់កិប (curly) ដោយពណ៌ធម្មជាតិ និងការកោរ ឬឈូសសក់ចំហៀង ( shaved ) នៅត្រង់ផ្នែកខ្លះឱ្យស្តើងស្ទើរដល់ស្បែកក្បាល ក៏កំពុងពេញនិយមក្នុងស្រទាប់យុវវ័យស៊ីវិល័យសម័យនេះឯង។ អាចនិយាយបានថា រចនាប័ទ្មម៉ូដសក់ Kpop Hairstyle ឆ្នាំ 2013 ក៏បានកំពុងជួយធ្វើឱ្យអារម្មណ៍ស្រស់ស្រាយ សម្រាប់បណ្តាសិល្បករកូរ៉េខាងត្បូងទាំងនោះ កាន់តែមានជំនឿចិត្តបន្ថែមទៀត ទៅលើទឹកដមសំនៀង និងចង្វាក់ក្បាច់រាំ បន្ថែមមួយកម្រិតទៀតផងដែរ។
ទាំងនេះជាកម្លាំងចលករ ញ៉ាំងឱ្យពួកគេរឹតតែមានការប្រណាំងប្រជែង សម្រាប់ការបង្ហាញពីរចនាប័ទ្មម៉ូដសក់ដ៏ល្អបំផុត ដើម្បីចំរាញ់យកការស្រឡាញ់ចូលចិត្តពីអ្នកគាំទ្ររបស់ពួកគេ ហើយវានឹងក្លាយទៅជាសក្តានុពលនិន្នាការមួយ ក្នុងចំណោមរចនាប័ទ្មម៉ូដសក់កូរ៉េខាងត្បូង ដើម្បីបង្ហាញឱ្យពិភពលោកឃើញថា តើវាមានឥទ្ធិពលទាក់ទាញកម្រិតណា?
//i1272.photobucket.com/albums/y389/domneng/Ailya/Korea_zps06e4e61b.jpg
ប្រភព៖Civilai.com
មតិយោបល់