ភ្នំពេញៈ បុរសអ្នកជិះម៉ូតូម្នាក់ រួចផុតពីគ្រោះថ្នាក់ដល់អាយុជីវិត ខណៈដែលរថយន្តដឹកដែកបើកកៀរហើយកិនចំកង់រថយន្តខាងក្រោយ ហើយរថយន្តព្យាយាមបើករត់ចម្ងាយជិត២គីឡូម៉ែត្រ តែសំណាងអាក្រក់ត្រូវម្ចាស់ម៉ូតូឃាត់បានរួចប្រគល់ឲ្យសមត្ថកិច្ចចរាចរណ៍ខណ្ឌមានជ័យ។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាលពីវេលាម៉ោង១០និង៣០នាទីព្រឹក ថ្ងៃទី៣០ ខែឧសភា ឆ្នាំ២០១៧ ស្ថិតនៅតាមបណ្តោយផ្លូវ៣៧១ សង្កាត់បឹងទំពុន ខណ្ឌមានជ័យ។

ប្រភពព័ត៌មាននៅនឹងកន្លែងកើតហេតុបានឲ្យដឹងថា មុនពេលកើតហេតុគេឃើញបុរសម្នាក់ជិះម៉ូតូមួយគ្រឿងម៉ាកសេ១២៥ ស៊េរី២០១៣ ពណ៌ខ្មៅ ពាក់ស្លាកលេខ ភ្នំពេញ1BW-8187 បើកបរពីទិសដៅពីកើតទៅលិច លុះមកដល់ចំណុចកើតហេតុ ក៏មានរថយន្តដឹកដែក១គ្រឿងម៉ាកHino ពណ៌ក្រហម ពាក់ស្លាកលេខ ភ្នំពេញ3B-9914 បើកបរស្របទិសគ្នាបានវ៉ារម៉ក១គ្រឿងទៀត រួចក៏បានជ្រុលចង្កូតទៅបុកអ្នកជិះម៉ូតូបណ្តាលឲ្យដួលរួចកិនចំកង់រថយន្តខាងក្រោយ ខូចខាតទាំងស្រុង។

ក្រោយពេលកើតហេតុតំណាងខាងភាគីក្រុមហ៊ុនស៊ីម៉ង់ត៍អូដ្ឋបានសងថ្លៃជួសជុលម៉ូតូដើម្បីបញ្ចប់រឿងនៅកន្លែងកើតហេតុ៕

https://youtu.be/emmCsAUGtqA