កាមតម្រេកនៃក្តីស្នេហាថយចុះ ត្រូវបានបង្ករឡើងដោយមូលហេតុផ្លូវចិត្ត និងផ្លូវកាយ ដូចជាការខ្វះខាតនៃការគេង អស់កម្លាំង ឡើងទម្ងន់ ជាដើម។
នៅខាងក្រោមនេះដែរ ជាមូលហេតុ ៥ យ៉ាងដែលកាត់បន្ថយកាមតម្រេក ៖
កង្វះការគេង
ប្រសិនបើអ្នកគេង ៦ ម៉ោង ឬតិចជាងនេះក្នុងមួយយប់ អ្នកអាចកាត់បន្ថយកាមតម្រេក។ យោងតាមអ្នកជំនាញផ្នែកសុខភាព បានឲ្យដឹងថា កង្វះនៃការគេង ក្នុងកំឡុងមួយដ៏យូរ (តិចជាង ៦ ម៉ោងក្នុងមួយយប់) អាចកាត់បន្ថយចំនួននៃអរម៉ូន តេស្តូស្តេរ៉ូន ដែលជាប្រភេទអរម៉ូនបង្កើនកាមតម្រេក ដែលបុរសស្ត្រីត្រូវការនោះ។
អ្នកដេកស្រម៉ុក
ដៃគូរដែលដេកស្រម៉ុក មានផលប៉ះពាល់ដល់ការដេក មិនត្រឹមតែប៉ុណ្ណោះទេ បញ្ហានេះក៏ជួយបន្ថយ ចំណងតម្រេកផងដែរ ហើយក៏ជាហេតុផលដែលកាត់ផ្តាច់ចំណងតណ្ហា ។ទាំងនេះជាមូលហេតុព្រោះតែភាពធាត់ពេក និងកង្វះការគេង។
ភាពតានតឹង
បញ្ហាតានតឹងផ្លូវចិត្ត និង ការធ្លាក់ទឹកចិត្ត គឺជាមូលហេតុ មួយដែលកាត់បន្ថយតម្រេកតណ្ហាផងដែរ ។ ភាពតានតឹង នឹងអាចត្រូវបានបង្ករឡើង ដោយសម្ពាធការងារ បញ្ហាប្តីប្រពន្ធ ដែលប៉ះទង្គិចគ្នា។ ភាពតានតឹងមិនត្រឹមតែ ជួយកាត់បន្ថយតម្រេកតែប៉ុណ្ណោះ តែវាក៏បង្ករហានិភ័យ នៃជំងឺទឹកនោមផ្អែម និងមានសម្ពាធឈាមឡើងខ្ពស់។
ការឡើងទម្ងន់
ការបង្កើនទម្ងន់ ក៏ជាមូលហេតុដែលកាត់បន្ថយចំណង់តម្រេក ព្រោះតែកោសិកាខ្លាញ់ ដែលឡើងចំណុះ ក៏ធ្វើឲ្យបញ្ហាតម្រេកជាមួយនឹងដៃគូថយចុះ។អ្នកឯកទេសបញ្ហាសិច លោក Rajan Bhonsle បាននិយាយថា មនុស្សដែលលើសទម្ងន់ជាញឹកញាប់ ជារឿយៗតែងតែមិនមានទំនុកចិត្ត លើខ្លួនឯង អំពីបញ្ហាលើគ្រែ ។ ដើមចមនេះដែលធ្វើឲ្យមនុស្សធាត់ មានអារម្មណ៍ថាតានតឹង ដោយមិនចង់ប្រាថ្នារួមភេទនោះទេ។
ជីវិតដែលមិនសូវជាសុខភាពស្អ
ក្រៅពីបញ្ហាសុខភាព ដែលកើតចេញពីការជក់បារី ផឹកស្រា ជារឿយៗវាក៏កាត់កាមតម្រេកផងដែរ។ទោះបីជាយ៉ាងនេះក្តី ទន្ទឹមនឹងនេះដែរ អ្នកដែលមានជីវិតសកម្ម ដោយមានកំលាំងពលំ ដោយរាងកាយគ្រប់យ៉ាងជាធម្មតានោះ អាចធ្វើការរួមភេទ តាមបំណងប្រាថ្នា៕
ព័ត៌មានជាតិ
មតិយោបល់