ក្លិប NEC Nijmegen នៅក្នុងប្រទេសហូឡង់ បានធ្វើការសម្រេចចិត្តបើកកម្មវិធីមួយ ជូនចំពោះអ្នកដែលលេងបានល្អ ដោយផ្តល់សេវាកម្មលាងរថយន្តដោយឥតគិតថ្លៃ ដោយការលាងនោះគឺមានវត្តមានស្រីស្អាតស្លៀកពាក់សិចស៊ីជាអ្នកលាង។
ដើម្បីលើកទឹកចិត្តឲ្យកីឡាករមានស្មារតីប្រកួត អ្នកលេងនៅក្នុងក្រុមនឹងទទួលបានជាសាច់ប្រាក់លើកទឹកចិត្ត ទៅតាមតម្លៃខ្លួនរបស់ពួកគេ។ខាងក្លិប NEC Nijmegen បានបង្ហាញប្រព័ន្ធរង្វាន់ថ្មីនោះគឺរាល់កីឡាករដែលលេងបានល្អ នឹងផ្តល់ជូនសេវាកម្មលាងរថយន្តពីសំណាក់ស្រីស្អាតជាច្រើនរូប។ថ្មីៗនេះដែរបន្ទាប់ពីក្លិប NEC Nijmegen ឈ្នះការប្រកួតមិត្តភាពជាមួយនឹង Osasuna ខ្សែបម្រើ Victor Palsson នៃក្លិប NEC Nijmegen បានក្លាយជាអ្នកលេងដ៏ល្អជាងគេ ហើយក៏ទទួលបានរង្វាន់ពិសេសនោះគឺការលាងរថយន្តដោយឥតគិតថ្លៃ ដោយមាននារីស្រីស្អាតចូលរួមលាងសម្អាត។
កីឡាករ Victor Palsson ក៏បានបង្ហាញរូបថតស្រីស្រស់បីនាក់ កំពុងសម្អាតរថយន្តរបស់ខ្លួននៅលើធ្វីតទ័រ ដោយភ្ជាប់មកជាមួយនឹងការធ្វីតថា អរគុណសម្រាប់ក្លិប NEC Nijmegen ដែលបានផ្តល់រង្វាន់ជូនខ្លួន ដែលជារង្វាន់ឥតខ្ជោះ។ជាមួយនឹងគោលនយោបាយរបស់ក្លិប នេះដែរ គេជឿជាក់ថា នឹងធ្វើឲ្យក្លិបមួយនេះ ទទួលបានចំណាត់ថ្នាក់ខ្ពស់ ក្នុងក្របខណ្ឌ Dutch Championships នាឆ្នាំនេះ ៕
មតិយោបល់