ទីក្រុង Cairo ( 19/08/13 ) : យ៉ាងហោចណាស់ប៉ូលិសដល់ទៅ 25 នាក់ដែលត្រូវបានសម្លាប់ហើយនៅពេលបីនាក់ទៀតរងរបួសធ្ងន់ក្រោយការបាញ់ប្រហារមួយពីសំណាក់កងកម្លាំងប្រដាប់អាវុធមួយក្រុមទៅលើឡានក្រុងពីរដែលក្រុមប៉ូលិសកំពុងធ្វើដំណើរកាលពីព្រឹកមិញនេះ។
តាមរបាយការណ៍បានឲ្យដឹងថាឡានក្រុងពីរដែលកំពុងធ្វើដំណើរពីមូលដ្ឋានរបស់គេនៅក្នុងភូមិ Tawilia ភាគខាងជើងនៃទីក្រុង Sinai ឆ្ពោះទៅកាន់ភូមិកំណើតក្នុងឱកាសនៃវិស្សមកាលរបស់ខ្លួនតែក្រោយមកក្រុមកម្លាំងដែលមានទៅដោយអាវុធបានរារាំងដំណើររបស់ពួកគេហើយបង្ខំឲ្យក្រុមប៉ូលីសក្មេងៗទាំងនោះចុះពីឡានក្រុងហើយតម្រង់ជួរគ្នាហើយក៏ចាប់ផ្តើមបាញ់សម្លាប់ពួកគេម្តងម្នាក់យ៉ាងកំរោល។
អ្នកដែលសេសសល់ពីការបាញ់ប្រហារនេះមានតែបីនាក់ប៉ុណ្ណោះហើយពួកគេត្រូវបានបញ្ជូនទៅកាន់មន្ទីរពេទ្យតាមរយៈឧទ្ធម្ភាកចក្រ៕
ព័ត៌មានជាតិ
មតិយោបល់