យោងតាមព័ត៌មានចុងក្រោយបានបញ្ជាក់ថា iPhone 5Cគឺជា iPhone តម្លៃថោករបស់ Apple ដែលនឹងបង្ហាញខ្លួននៅក្នុងពេលឆាប់ៗនេះ ហើយរូបភាពនៃ iPhone មួយនេះក៏បានលេចចេញនៅលើអ៊ីនធើណែតជាបន្តបន្ទាប់។
នៅពេលនេះមិនខុសពីមុនប៉ុន្មានដែរ សារព័ត៌មានចិន បានចុះផ្សាយថា iPhone 5C នឹងបង្ហាញខ្លួននៅក្នុងខែកញ្ញាខាងមុខនេះ ព្រមទាំងបានបង្ហាញរូបភាពដើម្បីបញ្ជាក់ថា វាកំពុងតែសាកល្បងប្រើនៅក្នុងរោងចក្រប្រទេសចិន។
បើតាមការឲ្យដឹងបន្ថែម ក្រោយពីធ្វើការសាកល្បងរួចរាល់ ក្រុមហ៊ុននឹងធ្វើការវេចខ្ចប់ដើម្បីត្រៀមទុកដាក់លក់នៅខែក្រោយ។
គួរបញ្ជាក់ផងដែរថា ក្រុមហ៊ុន Apple បានធ្វើការពន្យារពេលក្នុងការបង្ហាញ iPhone ជំនាន់ថ្មី ដែលការពន្យារពេល បានធ្វើឲ្យប្រាក់ចំណូលរបស់ Apple ធ្លាក់ចុះកាលពីត្រីមាសទី១៕
មតិយោបល់