ទីក្រុងប៉េកាំង ( 28/08/13 ) : លោករដ្ឋមន្ត្រីការបរទេសចិន Wang Yi បានទទួលជំនួបជាមួយនឹងលោកភាគីតំណាងមកពីវៀតណាម Pham Binh Minh កាលពីថ្ងៃពុធម្សិលមិញនៅទីក្រុងប៉េកាំងដោយគោលបំណងស្វែងរកដំណោះស្រាយមួយដ៏ប្រសើរក្នុងបញ្ហាជម្លោះនៅសមុទ្រចិនភាគខាងត្បូង។
លោក Wang បាននិយាយថាប្រទេសទាំងពីរគួរជម្រុញទៅមុខឲ្យមានការសហប្រតិបត្តិការគ្នាយ៉ាងល្អទៅការធ្វើនាវាចរនៅតាមដែនសមុទ្រហើយពួកយើងគួរតែធ្វើការរួមគ្នាក្នុងការគ្រប់គ្រង់ជម្លោះនានាដែលពាក់ព័ន្ធហើយព្យាយាមផ្លាស់ប្តូរការប្រកាន់គ្នាទៅជាឧិកាសក្នុងការសហគ្នាវិញ។លោក Pham ក៏បានបង្ហាញពីជំហររបស់ខ្លួនដែលបានត្រៀមខ្លួនរួចជាស្រេចក្នុងការទទួលយកដំណោះស្រាយនិងស្វែងរកសន្តិសុខក្នុងជម្លោះផងដែរ។
នៅក្នុងជំនួបនេះមេដឹកនាំតំណាងប្រទេសទាំងពីរនេះក៏បានចុះកិច្ចសន្យាលើកិច្ចប្រតិបត្តិការមួយចំនួនដែលនឹងនាំឲ្យមានការខិតជិតគ្នារវាងមិត្តភាពរបស់ប្រទេសទាំងពីរដូចជាកិច្ចសហប្រតិបត្តិការពាណិជ្ជកម្មការបង្កើនទំនាក់ទំនងវប្បធម៌ដូចជាការផ្លាស់ប្តូរទស្សនៈកិច្ចសិក្សារវាងនិស្សិតនៃប្រទេសទាំងពីរ។
គួរបញ្ជាក់ដែរថាលោក Pham ក៏នឹងត្រូវមានវត្តមានចូលរួមក្នុងកិច្ចប្រជុំលើកទី 10 នៃកិច្ចប្រជុំពិសេសនៃថ្នាក់ដឹកនាំប្រទេសអាស៊ានចិននៅថ្ងៃព្រហស្បតិ៍នេះផង៕
មតិយោបល់