នៅថ្ងៃអាទិត្យកន្លងទៅនេះ ប្រទេសចិនបានឲ្យដឹងថា នឹងបើកតំបន់ពាណិជ្ជកម្មសេរីលើកដំបូងរបស់ខ្លួន ដែលនេះជាការខិតខំប្រឹងប្រែងប្រកបដោយមហិច្ឆតាដើម្បីប្រែក្លាយមជ្ឍមណ្ឌលពាណិជ្ជកម្មរបស់ខ្លួននៃទីក្រុងស៊ាងហៃឲ្យទៅជាមជ្ឈមណ្ឌលសកលមួយ។ នេះបើយោងតាម ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃនេះ។
គម្រោងនេះត្រូវបានអនុម័តជាផ្លូវការកាលពីខែមុន ដើម្បីប្រែក្លាយទីក្រុងស៊ាងហៃឲ្យដូចទីក្រុងហុងកុង និងទីក្រុងឡុងដ៍ ក្នុងការធ្វើកំណែទម្រង់នៃសេដ្ឋកិច្ចនៅក្នុងប្រទេសដែលមានសេដ្ឋកិច្ចធំជាងគេលំដាប់ទី២នៅក្នុងពិភពលោក។
“ប្រទេសចិននឹងបើកដំណើរការជាផ្លូវការតំបន់ពាណិជ្ជកម្មសេរីសាកល្បង នៅក្នុងទីក្រុងស៊ាងហៃនៅថ្ងៃទី២៩ ខែកញ្ញា ឆ្នាំ២០១៣”។ នេះបើយោងតាមការចុះផ្សាយរបស់ ទីភ្នាក់ងារព័ត៌មានចិន ស៊ិនហួ៕
មតិយោបល់