ចំនួននៃអ្នកជក់បារី និងអត្រាការជប់បារីរបស់មនុស្សពេញវ័យ បានធ្លាក់ចុះខ្លាំងនៅក្នុងចក្រភពអង់គ្លេស ក្នុងរយៈពេល ៩ឆ្នាំចុងក្រោយ។ នេះបើយោងតាមរបាយការណ៍នៃការស្ទង់មតិរបស់ស្ថាប័នទិន្នន័យជាតិកាលពីថ្ងៃព្រហស្បតិ៍ម្សិលមិញ។
តួលេខបានបង្ហាញថាក្នុងចំណោមមនុស្សពេញវ័យ ៥នាក់ មានម្នាក់បានជក់បារី ហើយតួលេខថ្មីនេះបានបង្ហាញថា អត្រានៃការជក់បារីធ្លាក់ចុះ ២០ភាគរយ នៅក្នុងឆ្នាំ ២០១២ ហើយបើធៀបទៅនឹងឆ្នាំ ១៩៧៤ ធ្លាក់ចុះ ៤៥ភាគរយ។
យោងតាមការស្ទង់មតិបានរកឃើញថា អត្រានៃការជក់បារីធ្លាក់ចុះខ្លាំងនៅចន្លោះឆ្នាំ ១៩៧៤-១៩៩៤ ហើយបន្តធ្លាក់ចុះនៅឆ្នាំ ១៩៩៤-២០០៧ ប៉ុន្តែការធ្លាក់ចុះមានកម្រិតទៀតបន្តិច។ សម្រាប់ឆ្នាំ ២០០៧-២០១២ វិញ តួលេខនៃការជក់បារីក៏បានធ្លាក់ចុះផងដែរដោយមានម្រិតខ្ពស់ជាងចន្លោះឆ្នាំ ១៩៩៤-២០០៧។
ភាគច្រើននៃមនុស្សដែលជក់បារីគឺជាអ្នកដែលអត់ការងារធ្វើ បុគ្គលិកដែលធុញនឹងការងារ សិស្សដែលគេចសាលា និងមនុស្សដែលចូលវិត្តន៍។ ក្នុងចំណោមមនុស្សដែលឥតការងារធ្វើវ័យ ២៥ដល់ ៣៤ឆ្នាំគឺមានពាក់កណ្ដាលជាអ្នកជក់បារី។
រដ្ឋាភិបាលនៃចក្រភពអង់គ្លេសក៏បានកំណត់យកការកាត់បន្ថយការជក់បារីធ្វើជាគោលនយោបាយផងដែរក្នុងការលើកកម្ពស់សុខភាព។ ជាពិសេសរដ្ឋភិបាលក៏បានធ្វើការរឹតបន្ដឹង និងត្រួតពិនិត្យថ្នាំជក់ ព្រមទាំងបានកំណត់កាលបរិច្ឆេទនៃការដាក់លក់បារី និងមិនឲ្យមានការតាំងបង្ហាញបារីនៅក្នុងផ្សារទំនើប៕
មតិយោបល់