ក្រុមហ៊ុនផលិតទូរស័ព្ទដៃហ្វាំងឡង់ Nokia បានបង្ហាញស្មាតហ្វូនជាច្រើននៅលើទីផ្សារ ដោយនៅក្នុងនោះរួមមានទាំងស្មាតហ្វូនតម្លៃថ្លៃ និងស្មាតហ្វូនតម្លៃមធ្យម។
យោងតាមរបាយការណ៍ក្រុមហ៊ុន Nokia និងក្រុមអ្នកវិភាគបានឲ្យដឹងថា ស្មាតហ្វូន Nokia Lumia 520 ជាស្មាតហ្វូនដែលលក់ដាច់ជាងគេបំផុតក្នុងស្មាតហ្វូនទាំងអស់។
ដោយឡែកនៅពេលនេះ លោក Paul Thurrott អ្នកឯកទេសខាងបច្ចេកវិទ្យា និងជាអ្នកសារព័ត៌មានមួយបាននិយាយថា ស្មាតហ្វូន Nokia Lumia 520 លក់ដាច់ច្រើនជាងគេបំផុតក្នុងចំណោមស្មាតហ្វូនដែលប្រើប្រាស់នូវព័ន្ធដំណើរការ Windows Phone។
គាត់បានបន្ថែមទៀតថា Lumia 520 ជាស្មាតហ្វូនដែលមានតម្លៃមធ្យម ប៉ុន្តែរូបរាងស្រស់ស្អាត និងពោរពេញដោយសមត្ថភាព មិនចាញ់ស្មាតហ្វូនដែលមានតម្លៃខ្ពស់នោះទេ។ ចំណុចមួយដែលធ្វើឲ្យអតិថិជនចាប់អារម្មណ៍គឺថា មានពោរពេញដោយសមត្ថភាព និងមានតម្លៃទាបសមរម្យ ដែលអាចឲ្យអ្នកប្រើប្រាស់ភាគច្រើនចាប់អារម្មណ៍។
Nokia Lumia 520 មានអេក្រង់ទំហំ ៤អ៊ីង មានអង្គប្រតិបត្តិប្រភេទ Qualcomm Snapdragon S4 dual-core ល្បឿន 1GHz និង RAM ទំហំ 512MB ព្រមជាមួយគ្នានោះ វាក៏បានបំពាក់នូវកាមេរ៉ាទំហំ ៥មេហ្គាភិចសែលសម្រាប់ផ្ដិតយករូបភាព និងវីដេអូក្នុងកម្រិតមួយខ្ពស់៕
មតិយោបល់