នៅថ្ងៃចន្ទម្សិលមិញនេះ នាយករដ្ឋមន្ត្រីជប៉ុន លោក Shinzo Abe បានថ្លែងថា សេដ្ឋកិច្ចជប៉ុនបានឆ្លងផុតពីស្ថានភាពសេដ្ឋកិច្ចដ៏លំបាក ក្រោយពីបានធ្វើការកំណែទម្រង់ដ៏ស៊ីជម្រៅ និងមានកញ្ចប់ថវិកាជួយសង្គ្រោះជាច្រើន ដោយរំពឹងថានឹងធ្វើឲ្យសេដ្ឋកិច្ចជប៉ុនមានការរីកចម្រើនឡើងវិញ។
នាយករដ្ឋមន្ត្រីជប៉ុនរូបនេះ បានបន្តទៀតថា តាមរយៈយុទ្ធសាស្ត្រទាំង៣របស់ រដ្ឋាភិបាលជប៉ុន ដើម្បីធ្វើឲ្យសេដ្ឋកិច្ចជប៉ុនមានការរីកលូតលាស់ឡើងវិញនោះ លោកបានសម្រេចជោគជ័យក្នុងការធ្វើឲ្យសេដ្ឋកិច្ច ជប៉ុនឆ្លងផុតពស្ថានភាពដ៏លំបាកនេះ។
លោក Abe បានជ្រើសរើសយកចំណាត់ការបង្កើនអត្រាយកពន្ធលើការទិញនិងប្រើប្រាស់ផលិតផលពី៥,០ភាគរយទៅ៨,០ភាគរយ ដោយចាប់ផ្តើមអនុវត្តពីថ្ងៃទី០១ខែមេសានៅឆ្នាំក្រោយ។
ការបង្កើនអត្រាពន្ធនេះ ត្រូវបានគេមើលឃើញថាជាការសំខាន់ដើម្បីបង្រួមបំណុលជាតិដ៏ធំរបស់ប្រទេសនេះ ហើយត្រូវបានគេមើលឃើញថាវាជាល្បែងនយោបាយរបស់លោក Shinzo Abe ដោយសារការដំឡើងពន្ធពីមុនៗបែបនេះ បានធ្វើឲ្យអ្នកកាន់តំណែងមុនរបស់លោកធ្លាក់ចេញអំណាច។
លោក ក៏បានបញ្ចេញកញ្ចប់ថវិកាសង្គ្រោះផងដែរដែលមានទឹកប្រាក់ចំនួន ៥០ពាន់លានដុល្លារអាមេរិក ដើម្បីជួយបន្ធូរបន្ថយពីការបង្កើនពន្ធនេះ៕
ព័ត៌មានជាតិ
មតិយោបល់