រុស្ស៊ី ៖ Strategic Rocket Forces of Russia នឹងបំពាក់យ៉ាងពេញលេញ ជាមួយនឹង ប្រពន្ធមីស៊ីលជំនាន់ថ្មី ពោលគឺជំនាន់ទី ៥ សម្រាប់ឆ្នាំ ២០២១។
កាលពីថ្ងៃទី ២៣ ខែ តុលា នេះ ប្រភពព័ត៌មានបានឲ្យដឹងថា ទីភ្នាក់ងារព័ត៌មានរបស់រុស្ស៊ី RIA Novosti បានដកស្រងសម្តីរបស់ Col. Igor Yegorov ដែលជាអ្នកនាំពាក្យ របស់ក្រសួងការពារជាតិ និយាយថា យុទ្ធសាស្ត្ររបស់ប្រទេរុស្ស៊ីទៅលើមីស៊ីល នឹងត្រូវបំពាក់យ៉ាងពេញលេញ ជាមួយនឹងមីស៊ីលជំនាន់ទី ៥ សម្រាប់ឆ្នាំ ២០២១ ។ បើយោងទៅតាម Roadmap បានឲ្យដឹងថា សម្រាប់មីស៊ីលនេះដែរ ដល់ឆ្នាំ ២០១៦ វានឹងមានកំលាំងកាន់តែខ្លាំង ដោយកើនដល់ ៦០ ភាគរយ និង ឈានដល់ ៩៨ ភាគរយ សម្រាប់ឆ្នាំ ២០២១ ។ភាពទំនើបកម្មនៃ កំលាំងមីស៊ីលថ្មីនេះដែរ គឺក្នុងគោលបំណង ប្រជ្រៀតចូល ជាមួយនឹងសហរដ្ឋអាមេរិក និង អង្គការណាតូ ។
កាលពីថ្ងៃទី ៣ ខែ តុលា កន្លងទៅ សារព័ត៌មាន RIA Novosti បានចុះផ្សាយថា ឆ្នាំនេះវាគួរតែបញ្ចប់ រុស្ស៊ីនឹងធ្វើការសាកល្បងទៅលើប្រភេទមីស៊ីលចុងក្រោយបំផុតរបស់ខ្លួន ដែលមានឈ្មោះថា RS-26 Rubezh ។បច្ចុប្បន្ននេះដែរ បច្ចេកទេសនៃការផលិតមីស៊ីល RS-26 មិនទាន់បានប្រកាសជាសាធារណៈ ប៉ុន្តែ បើយោងទៅតាមអ្នកជំនាញផ្នែកមីស៊ីលបានឲ្យដឹងថា RS-26 ត្រូវបានពិភពលោកទទួលស្គាល់ ហើយក្បាលគ្រាប់នុយក្លេអ៊ែរនេះដែរ នឹងបំពាក់ថ្មី ដោយបច្ចេកទេសចុងក្រោយ៕
មតិយោបល់