ទិន្នផលប្រេងឆៅរបស់ចិនបានកើនឡើងដល់ ១៥៥,១៩លានតោននៅក្នុងរយៈពេលបីត្រីមាសដំបូង បើធៀបនឹងរយៈពេលដូចគ្នាឆ្នាំមុនកើនឡើង ២,៣ភាគរយ។ នេះបើយោងតាមទិន្នន័យពីមន្ត្រីរៀបចំផែនការសេដ្ឋកិច្ចរបស់ចិន។
នៅក្នុងអំឡុងចន្លោះខែមករា-កញ្ញា ចិនទទួលបានទិន្នផលប្រេងឆៅចំនួន ៣២៨,៦៣លានតោន កើនឡើង ៧,៤ភាគរយ បើធៀបនឹងឆ្នាំកន្លងទៅ ខណៈដែលប្រេងចម្រាញ់កើនឡើង ៦,៤ភាគរយ ស្មើនឹង ២០២,១៥លានតោន។ នេះបើយោងតាមការឲ្យដឹងនៅក្នុងសេចក្ដីថ្លែងការណ៍របស់គណៈកម្មការអភិវឌ្ឍន៍ និងកំណែទម្រង់ជាតិ។
នៅក្នុងរបាយការណ៍ក៏បានបញ្ជាក់ឲ្យដឹងផងដែរថា ការនាំចេញប្រេងចម្រាញ់ បានកើនឡើង ៤,៣ភាគរយ ស្មើនឹង ១៩៤,៨៤លានតោន បើធៀបនឹងឆ្នាំមុន។
គួរបញ្ជាក់ផងដែរថា នៅក្នុងរយៈពេល ប្រាំបួនខែដំបូងនៃឆ្នាំ ២០១៣ ទិន្នផលឧស្ម័នធម្មជាតិចិនមានចំនួនសរុប ៨៦,៣ពាន់លានម៉ែត្រគូប ដោយកើនឡើង ៩,២ភាគរយធៀបនឹងឆ្នាំមុន៕
មតិយោបល់