កំពូលកីឡាករខ្សែបម្រើជម្រើសជាតិអង់គ្លេស David Beckham បានឆើ្លយតបទៅនឹងអ្នកកាសែតនូវអ្វីដែលកីឡាកររូបនេះបានប្រកាសប្រាប់អ្នកគាំទ្រជាង 30 លាននាក់របស់ខ្លួននៅក្នុង Facebook កាលពីថ្ងៃពុធថាខ្លួនពិតជាចាប់អារម្មណ៍នឹងបង្កើតក្រុមបាល់ទាត់អាជីពមួយសម្រាប់ក្របខណ្ឌ Major League របស់អាមេរិកហើយរដ្ឋ Florida ជាទីតាំងដែលលោកនឹងជ្រើសយកសម្រាប់ក្លឹបមួយនេះ។
លោកមិនបានបដិសេធនូវអ្វីដែលលោកប្រកាសប្រាប់តាមទំព័រហ្វេសប៊ុករបស់ខ្លួននោះទេហើយកីឡាកររូបនេះបានថែមទាំងបង្ហើបឲ្យដឹងថាក្លឹប Miami ជាក្លឹបបាល់ទាត់វ័យក្មេងមួយដែលគួរឲ្យចាប់អារម្មណ៍បំផុតសម្រាប់រូបលោកទាំងកីឡាករក្មេងៗ និងទីតាំងនិងសំណង់កីឡាដ្ឋានដែលមានស្រាប់ហើយនោះ។
ទោះបីជាយ៉ាងណាក្តីនៅមិនទាន់មានការសម្រេចចិត្តជាផ្លូវការនៅឡើយដែរដោយលោកបានបញ្ជាក់ប្រាប់ថានឹងមានការពិភាក្សាជាមួយដៃគូវិនិយោគផ្សេងទៀតក្នុងគម្រោងដ៏ធំមួយនេះនៅពេលដែលគណៈកម្មាការបាល់ទាត់ Major League កំពូលរបស់អាមេរិកមួយនេះនឹងសម្រេចបន្ថែមក្រុមអាជីពចំនួន 4 ក្រុមថែមទៀតលើចំនួន 19 ក្រុមដែលនឹងប្រកួតដណ្តើមជើងឯកបាល់ទាត់ Major League ៕
មតិយោបល់