រឿងសហរដ្ឋអាមេរិកឈ្លបយកការណ៍រដ្ឋាភិបាលនៃប្រទេសផ្សេងៗនៅលើសកលលោក ដោយក្រុមភ្នាក់ងារសន្ដិសុខជាតិត្រូវបានទម្លាយដោយលោក Edward Snowden ដែលជាអតីតបុគ្គលិកភ្នាក់ងារសន្ដិសុខជាតិ ហើយនៅពេលនេះ លោកកំពុងតែជ្រកកោននៅក្នុងប្រទេសរុស្ស៊ី ដែលធ្វើឲ្យអាមេរិកខឹងយ៉ាងខ្លាំង។
ដោយឡែកកាលពីថ្មីៗនេះ ទីភ្នាក់ងារព័ត៌មានបារាំង AFP បានចុះផ្សាយថា អាមេរិកបានឈ្លបយកការណ៍ និងប្រមូលទិន្នន័យសម្ងាត់រដ្ឋាភិបាលមួយចំនួននៅអាស៊ី ក្នុងនោះក៏មានប្រទេសកម្ពុជាផងដែរ។
សារព័ត៌មានអូស្រ្តាលី Sydney Morning Harald បានបញ្ចេញឯកសារសម្ងាត់របស់លោក Edward Snowden ដោយបានបង្ហាញថា សហរដ្ឋអាមេរិកបានឈ្លបយកការណ៍ប្រទេសមួយចំនួននៅតំបន់អាស៊ី ដូចជា ចិន ឥណ្ឌូនេស៊ី មីយ៉ាន់ម៉ា ថៃ និងកម្ពុជា ជាដើម។
ក្នុងចំណោមប្រទេសនៃសមាគមអាស៊ាន មានតែប្រទេសម៉ាឡេស៊ី និងឥណ្ឌូនេស៊ីប៉ុណ្ណោះ មានបានបញ្ចេញប្រតិកម្មឆ្លើយតបទៅនឹងសកម្មភាពនេះ ព្រមទាំងបាននិយាយថា ទង្វើរបស់អាមេរិកមួយនេះ វាបានធ្វើឲ្យទំនាក់ទំនងការទូតមានភាពតានតឹងឡើង។
ពាក់ព័ន្ធនឹងរឿងនេះ ប្រទេសថៃ មីយ៉ាន់ម៉ា និងជាពិសេសកម្ពុជានៅមិនទាន់មានប្រតិកម្មណាមួយឡើយ ប៉ុន្តែប្រទេសមួយចំនួនមិនបានពេញចិត្តនឹងទង្វើនេះឡើយ៕
មតិយោបល់