ទីក្រុងអូស្លូ (04/11/13) ៖មនុស្សបីនាក់ដែលបានធ្វើដំណើរនៅលើរថយន្តក្រុងមួយក្នុងភាគកណ្តាលនៃប្រទេសណ័រវេយត្រូវបានចាក់សម្លាប់ដោយបុរសម្នាក់អាយុប្រមាណជា 5o ឆ្នាំកាលពីថ្ងៃច័ន្ទម្សិលមិញ។
មនុស្សទាំងបីនាក់រួមទាំងអ្នកបើកបរម្នាក់អ្នកដំណើរពីរនាក់ត្រូវបានគេបញ្ជាក់ថាបានស្លាប់ក្រោយការកើតហេតុភ្លាមៗ។រីឯឧក្រិដ្ឋជនដែលត្រូវបានចាប់ខ្លួនជាមួយនឹងកាំបិតដែលខ្លួនបានប្រើប្រាស់នៅវេលាម៉ោងប្រមាណ 7 យប់ម៉ោងក្នុងស្រុក។ឡានក្រុងមួយនេះត្រូវបានប្លន់ដោយឧក្រិដ្ឋជននៅចន្លោះផ្លូវពី Aarda និងតំបន់ Tyin ។
រថយន្តសង្គ្រោះបន្ទាន់ត្រូវបានស្នើរឲ្យទៅដល់ទីកន្លែងកើតហេតុក្រោយការរាយការណ៍ពីការចាប់ជម្រឹតនេះតែក្រោយមកឧក្រិដ្ឋជនត្រូវបានចាប់ខ្លួនបាត់ទៅហើយហើយជនរងគ្រោះក៏បានបាត់បង់ជីវិតហើយដែរ។ធ្លាប់មានហេតុការណ៍ស្រដៀងនេះកើតឡើងម្តងដែលកាលពីឆ្នាំ 2003 ដែលកាលនោះអ្នកបើកបរម្នាក់គត់ដែលត្រូវបានសម្លាប់ក្រោយការព្យាយាមជួយអ្នកដំណើរ 30 ផ្សេងទៀតនៅលើឡានរបស់ខ្លួន៕
មតិយោបល់