ទីក្រុង Ankara(12/11/13) ៖ប្រទេសតួគីបានធ្វើការស្នើរសុំទៅកាន់អង្គការណាតូនៅថ្ងៃអង្គារម្សិលមិញនេះដើម្បីឲ្យមានការបន្តការពង្រាយគ្រាប់មីស៊ីលដែលណាតូបានដាក់ពង្រាយនៅតាមតំបន់ព្រំដែនតួគីនិងស៊ីរីតាំងពីខែវិច្ឆិកាមក។
ការពង្រាយគ្រាប់មីស៊ីលបានធ្វើឡើងក្នុងគោលបំណងនៃការការពារប្រទេសតួគីពីការវាយប្រហារដែលអាចកើតមានណាមួយពីសំណាក់ស៊ីរី។អ្នកនាំពាក្យរបស់លោករដ្ឋមន្ត្រីការបរទេសរបស់តួគី Levent Guumrukcu បាននិយាយថានៅមិនទាន់មានការប្រែប្រួលអ្វីទាំងអស់នៃស្ថានភាពព្រំដែនរបស់ស៊ីរីនៃខ្សែត្រៀមរបស់គេដូចនេះគ្រាប់ដែលអង្គការណាតូបានដាក់ពង្រាយនោះគួរតែនៅបន្តដាក់នៅកន្លែងដដែលសិន។
លោករដ្ឋមន្ត្រីក្រសួងការបរទេស Ahmet Davutoglu បានផ្ញើសំបុត្រស្នើរសុំមួយច្បាប់ទៅកាន់អង្គការណាតូសម្រាប់ការបន្តពង្រាយគ្រាប់មីស៊ីលត្រៀមការពារនៅតាមបណ្តាខេត្តចំនួនបីដូចជាខេត្ត Gaiantep, Kahramanmaras និង Adana ។
គួរបញ្ជាក់ថាគ្រាប់មីស៊ីលការពារចំនួន 6 គ្រឿងដែលបានប្រើប្រាស់នោះជាជំនួយឧបត្ថម្ភពីសំណាក់ប្រទេសអាមេរិកហូឡង់និងអាល្លឺម៉ង់៕
ប្រភព៖ ស៊ិនហួ
មតិយោបល់