ភ្នំពេញ: នៅថ្ងៃទី២៦ ខែមករាឆ្នាំ២០១៩នគរបាលខណ្ឌឬស្សីកែវបានឃាត់ខ្លួនស្រីស្អាត២នាក់និងជនសង្ស័យ៧នាក់ផ្សេង
ទៀតពាក់ព័ន្ធប្រើប្រាស់និងជួញដូរគ្រឿងញឿន ស្ថិតនៅ៣ទីតាំងផ្សេងគ្នាទីតាំងទី១ត្រង់ចំណុចក្រុមទី៦ ភូមិ៣ សង្កាត់ច្រាំងចំរេះទី១ ទី២នៅត្រង់ចំណុចតាមបណ្ដោយផ្លូវបេតុង ក្នុងក្រុមទី៤ ភូមិបឹងសាឡាង សង្កាត់ឫស្សីកែវ និងទី៣ត្រង់ចំណុចតាមបណ្ដោយផ្លូវជាតិលេខ៥ ក្រុមទី៧ ភូមិខ ២ សង្កាត់ច្រាំងចំរេះ២ ខណ្ឌឫស្សីកែវ។
សមត្ថកិច្ចឲ្យដឹងថា មុនឈានដល់ការឃាត់ខ្លួនជនសង្ស័យប្រុសស្រីទាំង៩នាក់ នេះ ដោយសារតែមានការស្រាវជ្រាវ សហការណ៍ផ្ដល់ព័ត៌មានពីប្រជាពលរដ្ឋទើបកម្លាំងតាមលបឆ្មក់បង្ក្រាបបាន ដោយដកហូតបានឧបករណ៍ប្រើប្រាស់ថ្នាំញៀនមួយចំនួន និងថ្នាំញៀនចំនួន១០កញ្ចប់ នៅខណ:ដែលពួកគេទាំងនោះ កំពុងតែប្រមូលផ្ដុំគ្នាសម្ងំជក់គ្រឿងញៀន និងជួញដូរថ្នាំញៀន។
ក្រុមជនសង្ស័យប្រុសស្រីទាំង៩នាក់ និងវត្ថុតាងពាក់ព័ន្ធសកម្មភាព ត្រូវបាននាំមកបន្តសាកសួរនៅអធិការដ្ឋានខណ្ឌ ដើម្បីកសាងសំណុំរឿងបញ្ជូនទៅចាត់ការតាមនីតិវិធី៕
មតិយោបល់