ទីក្រុងមូស្គូ(១៧/១១/២០១៣):អជ្ញាធររបស់រូស្ស៊ីកាលពីថ្ងៃបានបញ្ជាក់ជាចុងក្រោយថាមនុស្សសរុប ៥០ នាក់ ដែលបានស្លាប់នៅក្នុងសោកនាដកម្មធ្លាក់យន្តហោះប្រភេទ Boeing មួយកាលពីថ្ងៃអាទិត្យនៅក្នុងទីក្រុង Tatarstan។
អ្នកស្លាប់រូមមានអ្នកដំណើរ ៤៤ នាក់និង ៦ នាក់ទៀតជាបុគ្គលិកលើយន្តហោះហើយបើយោងតាមរបាយការណ៍មួយបានឲ្យដឹងថាកូនម្នាក់របស់លោកអភិបាលក្រុង Rustam Minnikhanov និងលោក Alexander Antonov មេប៉ូលីសក៏ត្រូវជាអ្នកនៅក្នុងអ្នកស្លាប់ទាំងអស់នោះដែរ។អជ្ញាធរនៃទីក្រុង Tatarstan បានប្រកាសថាយកថ្ងៃច័ន្ទជាថ្ងៃកាន់ទុក្ខដល់អ្នកស្លាប់ទាំង ៥០ នាក់។
គួរបញ្ជាក់ផងដែរថារថយន្តពេទ្យ ១០ គ្រឿងនិងរថយន្តជួយសង្គ្រ6គ្រឿងទៀតបានទៅដល់ទីកន្លែងកើតហេតុហើយគ្រោះថា្នក់ធ្លាក់យន្តហោះនេះក៏បានបង្កឲ្យមានភ្លើងឆេះផងដែរតែត្រូវបានគេពន្លត់វិញភ្លាមៗដែរ៕
មតិយោបល់