ទីក្រុងប៉េកាំង (29/11/13) ៖បើយោងទៅតាមអ្នកនាំពាក្យនៃកងកម្លាំងទ័ពរបស់ប្រទេសចិនបានឲ្យដឹងថាកាលពីថ្ងៃសុក្រទ័ពអាកាសរបស់ប្រទេសចិនបានសំគាល់និងកំណត់អត្តសញ្ញាណនៃយន្តហោះទាហានជាច្រើនគ្រឿងរបស់បរទេសដែលបានហោះកាត់តំបន់ដែលចិនប្រកាសថាជាតំបន់ហាមហោះហើរនោះ Air Defense Identification Zone(ADIZ) ដែលស្ថិតនៅសមុទ្រភាគខាងកើតនៃប្រទេស។
លោក Sehn Jinke អ្នកបើកយន្តហោះចម្បាំងឲ្យកងកម្លាំងទ័ពអាកាសរបស់ប្រទេសចិនដែលកំពុងមានភារៈកិច្ចនៅក្នុងតំបន់ហាមឃាត់នោះបានបើកយន្តហោះចេញពីមូលដ្ឋានភ្លាមៗក្រោយទទួលបានព័ត៌មាននៃការហោះហើររបស់យន្តហោះមួយចំនួនដែលក្រោយមកត្រូវបានស្គាល់និងកំណត់ថាជាយន្តហោះរបស់អាមេរិក 02 គ្រឿងនិងយន្តហោះរបស់ប្រទេសជប៉ុន 10 គ្រឿង។
កងកម្លាំងទ័ពអាកាសក្រោយពិនិត្យរួចរាល់បានបញ្ជាក់ថាវាមិនមានការប៉ះពាល់អ្វីធំដុំដល់តំបន់ដែលចិនបានប្រកាសហាមឃាត់នោះឡើយ៕
ព័ត៌មានជាតិ
មតិយោបល់