កាលពីខែតុលា កន្លងទៅនេះ តុលាការនៃប្រទេសអង់គ្លេសបានប្រកាសឲ្យដឹងថា ស្មាតហ្វូនត្រកូល One របស់ក្រុមហ៊ុន HTC បានរំលោភលើប៉ាតង់របស់ក្រុមហ៊ុនហ្វាំងឡង់ Nokia ហើយចាប់ពីថ្ងៃទី៦ខែធ្នូខាងមុខនេះតទៅ ស្មាតហ្វូនដែលរំលោភប៉ាតង់នឹងត្រូវបញ្ឈប់ការលក់នៅក្នុងប្រទេសអង់គ្លេស។
ទីភ្នាក់ងារព័ត៌មាន Reuters បានចុះផ្សាយថា នៅថ្ងៃអង្គារកន្លងទៅនេះ តុលាការបានសម្រេចថាស្មាតហ្វូន HTC One Mini នឹងត្រូវបញ្ឈប់ការលក់នៅក្នុងប្រទេសអង់គ្លេស ប៉ុន្តែ HTC អាចបន្តការលក់បានព្រោះនៅពេលនេះរង់ចាំបណ្ដឹងឧទ្ធរណ៍សម្រេចតវ៉ា ហើយការបញ្ឈប់ការលក់នេះវាអាចប៉ះពាល់ដល់ជាច្រើនដល់ HTC។
ក្រុមហ៊ុន Nokia បានថ្លែងនៅក្នុងសេចក្ដីថ្លែងការមួយថា “ខណៈពេលរង់ចាំបណ្ដឹងឧទ្ធរណ៍នេះ ក្រុមហ៊ុន HTC មិនត្រូវធ្វើការដឹកជញ្ជូននូវស្មាតហ្វូនដែលរំលោភប៉ាតង់មកកាន់ប្រទេសអង់គ្លេសបន្ថែមនោះទេទៀត លើកលែងតែ HTC One គឺអាចលក់បានរហូតដល់បណ្ដឹងឧទ្ធរណ៍ចេញ”៕
មតិយោបល់