នាយកប្រតិបត្តិក្រុមហ៊ុនផលិតរថយន្ត Volkswagen AG ប្រចាំសហរដ្ឋអាមេរិក លោក Jonathan Browning បានលាឈប់ពីក្រុមហ៊ុន ដោយហេតុផលផ្ទាល់ខ្លួន ហើយជំនួសតំណែងនេះដោយបុរសវ័យ ៥១ឆ្នាំ Michael Horn។
លោក Browning វ័យ ៥៤ឆ្នាំ ជាអតីតនាយកប្រតិបត្តិក្រុមហ៊ុន General Motors co និង Ford Motor Co ហើយទើបតែចូលបម្រើការងារនៅក្នុងក្រុមហ៊ុន Volkswagen កាលពីឆ្នាំ ២០១០។ ក្រុមហ៊ុនបានបញ្ជាក់ប្រាប់ថា លោក Browning នឹងវិលត្រឡប់ទៅកាន់ចក្រភពអង់គ្លេសវិញ ហើយនេះគឺជាហេតុផលតែមួយគត់ដែលលោកលាឈប់។
លោក Horn បានចូលបម្រើការងារនៅក្នុងក្រុមហ៊ុនផលិតរថយន្តខាងលើតាំងពីឆ្នាំ ២០០៩ ហើយនឹងត្រូវតែងតាំងជានាយកប្រតិបត្តិថ្មីនៅថ្ងៃទី០១ខែមករា ឆ្នាំ ២០១៤។
ចាប់តាំងពីឆ្នាំ ២០១០ ក្រុមហ៊ុនផលិតរថយន្ត Volkswagen លក់កើនឡើងទ្វេដងនៅលើទីផ្សារសហរដ្ឋអាមេរិក ប៉ុន្តែនៅក្នុងឆ្នាំនេះ ហាក់ដូចជាធ្លាក់ចុះបន្ដិច ព្រោះតែវិបត្តិក្នុងប្រទេស៕
មតិយោបល់