វ៉ាស៊ីនតោន៖ មូលនិធិ រូបិយវត្ថុអន្តរជាតិ (IMF) បានបង្កើនការព្យាករសេដ្ឋកិច្ចអាមេរិក ថានឹងនៅឆ្នាំក្រោយនឹងកើនលឿនជាងឆ្នាំនេះ ដោយយោងតាមទិន្នន័យដែលផ្ដល់ឲ្យបានបង្ហាញពីសញ្ញាវិជ្ជមាន។
អ្នកស្រី Christine Lagarde ប្រធានមូលនិធិរូបិយវត្ថុអន្តរជាតិ ក៏បានកោតសរសើរដល់ធនាគារសហព័ន្ធអាមេរិក ដែលបានសម្រេចចិត្តកាលពីសប្ដាហ៍ ដើម្បីជំរុញឲ្យចាប់ផ្ដើមមានមាត្រដ្ឋានរូបិយវត្ថុរបស់ខ្លួនត្រឡប់មកវិញ។
ថ្លែងនៅក្នុងកិច្ចសម្ភាសន៍ អ្នកស្រី Lagarde បាននិយាយថា “កំណើនគឺកើនឡើង។ អត្រាគ្មានការងារនឹងថយចុះ។ នៅឆ្នាំ ២០១៤ សេដ្ឋកិច្ចអាមេរិកនឹងកើនឡើងខ្ពស់វិញ”។
កាលពីខែតុលាកន្លងទៅ IMF បានធ្វើការព្យាករទុកថា សេដ្ឋកិច្ចអាមេរិកនៅឆ្នាំក្រោយនឹងកើន ២,៦ភាគរយ ដោយបានកើនឡើងពី ១,៦ភាគរយ ប៉ុន្តែអ្នកស្រីប្រធាន IMF ក៏បានព្រមានដល់សភាអាមេរិកផងដែរ ដែលបានធ្វើឲ្យប៉ះពាល់វិស័យសេដ្ឋកិច្ច ហើយវាមិនមែនត្រឹមតែអាមេរិកនោះទេ សេដ្ឋកិច្ចទាំងសកលលោកក៏បានការប៉ះទង្គិចផងដែរ។
លោកស្រី Lagarde បានឲ្យដឹងថា កាលពីថ្ងៃអាទិត្យថា “កិច្ចព្រមព្រៀងថវិកា ដែលត្រូវបាន កាត់បន្ថយ នៅចុងឆ្នាំនេះ គឺជាសញ្ញាដ៏ល្អមួយ នៃការទទួលខុសត្រូវ គណនេយ្យភាព និង ការប្រាកដនិយម”៕
មតិយោបល់