ទីក្រុងប៉េកាំង (30/12/13) ៖កាលពីព្រឹកថ្ងៃច័ន្ទម្សិលមិញនេះលោក Qin Gang អ្នកនាំពាក្យរបស់ក្រសួងការបរទេសចិនបានប្រកាសថាមេដឹកនាំចិនបានបញ្ជាក់ពីជំហរមិនស្វាគមន៍សម្រាប់ជំនួបណាមួយជាមួយនឹងលោកនាយករដ្ឋមន្ត្រីជប៉ុន Shinzo Abe នោះឡើយ។
លោក Gang បានបន្ថែមនៅក្នុងសន្ទរកថាទៀតថាប្រជាជនចិនមិនដែលមានបំណងក្នុងការទទួលដំណើរទស្សនៈកិច្ចណាមួយនៃមេដឹកនាំជប៉ុនដែរហើយរាល់សំណួរនានាដែលជប៉ុនចោទសួរក៏គេជឿជាក់ថានឹងមិនមានចម្លើយពីខាងចិនដែរ។ការឆ្លើយតបរបស់លោកអ្នកនាំពាក្យរូបនេះគឺស្ថិតនៅក្រោយចម្ងល់ដែលបានសួរថាតើនឹងមានដំណើរទស្សនៈកិច្ចណាមួយរវាងមេដឹកនាំទាំងពីរទៅកាន់ប្រទេសចិនឬជប៉ុននៅជុំវិញបញ្ហាតានតឹងនៃជម្លោះទ្វេរភាគីនេះឬទេ។
លោកអ្នកនាំពាក្យថែមទាំងបញ្ជាក់ថាមេដឹកនាំជប៉ុនគឺបានគិតខុសទៅលើចំណងមិត្តភាពនៃប្រទេសទាំងពីរហើយលោកតែងតែប្រព្រឹត្តកំហុសដដែលៗជារឿយៗដែលមិនអាចទទួលយកបានហើយជាចុងក្រោយលោកបាននិយាយថាអ្វីដែលលោក Abe គួរតែធ្វើនៅពេលនេះគឺការសូមទោសនិងសារភាពពីកំហុសរបស់លោកចំពោះប្រជាពលរដ្ឋនិងមេដឹកនាំចិនផង៕
មតិយោបល់