​អនុប្រធាន​ប្រតិបត្តិ​ក្រុមហ៊ុន Samsung អ្នកស្រី Lee Young Hee បាន​ថ្លែង​នៅ​ក្នុង​កិច្ច សម្ភាសន៍​ជាមួយ​នឹង​សារព័ត៌មាន Bloomberg ថា Galaxy S5 នឹង​បង្ហាញ​ខ្លួន​នៅ ក្រោយ ព្រឹត្តិការណ៍ MWC 2014​។​

​នៅមុននេះ មាន​ព័ត៌មាន​ចចាមអារ៉ាម​បាន​និយាយថា Samsung Galaxy S5 នឹង​បង្ហាញ​ខ្លួន​នៅក្នុង​ព្រឹត្តិការណ៍ MWC ប៉ុន្តែ​បើ​តាម​អ្នកស្រី Hee នោះ​គឺ​មិនមែន​ឡើង ដោយ​វា​នឹង​បង្ហាញ​ខ្លួន​នៅក្រោយពេល​ព្រឹត្តិការណ៍ MWC នៅ​ចន្លោះ​ខែ​មីនា​-​មេសា​។​
​ព្រម​ជាមួយ​គ្នា​នោះ ក្រុមហ៊ុន Samsung ក៏​បង្ហាញ​នាឡិកា​ឆ្លាត​វៃ Galaxy Gear ជំនាន់​ថ្មី​ផងដែរ ដោយ​អ្នកស្រី Hee បាន​នាឡិកា​ឆ្លាត​វៃ​ជំនាន់​ថ្មី​នេះ​គឺ​បាន​បញ្ចូល​លក្ខណៈពិសេស​ជាច្រើន ចំណែក Galaxy S5 ត្រូវបាន​រចនា​ឡើង​ដោយ​ខុស​ប្លែក​ពី Galaxy S4 ទាំងស្រុង​។​

​នៅមុននេះ មាន​ព័ត៌មាន​ចចាមអារ៉ាម​បាន​និយាយថា ក្រុមហ៊ុន​កំពុងតែ​ស្រាវជ្រាវ​ទៅ​លើ​កម្មវិធី iris ប្រើ​សម្រាប់ស្គែ​ន​ម្រាមដៃ​ដូច iPhone 5S ប៉ុន្តែ​ព័ត៌មាន​នេះ​ត្រូវបាន​អ្នកស្រី Hee បញ្ជាក់ថា Galaxy S5 មិន​ច្បាស់​ថា​មាន ឬ​មួយ​យ៉ាងណា​នោះទេ ពោល​គឺ​អ្នកស្រី​មិន​ប្រាកដ​៕​