អេស្ប៉ាញ៖ខ្សែបម្រើ សញ្ជាតិវែល កីឡាករ Gareth Bale បានជួយឲ្យ ក្លិប​អធិរាជស Real Madrid លើកពាន Copa Del Rey ​ជាលើកដំបូងនៅក្នុងរដូវកាលនេះ ដោយយកឈ្នះ ក្លិប Bacelona ដោយលទ្ធផល ២ – ១ ។ គ្រាប់បាល់ដែល​ធ្វើ​ឲ្យ អធិរាជស Real Madrid យកឈ្នះក្លិប អ្នកមានបុណ្យ Bacelona គឺជាគ្រាប់បាល់ដែល ​រកបានដោយកីឡាករ Bale នៅនាទី ៨៥ ហើយក៏ជាគ្រាប់បាល់ស្ថិត​ក្នុងភាពចម្រូ​ងចម្រាស់ផងដែរ ។​

ជាមួយនឹងល្បឿនរត់យ៉ាងលឿនរបស់ Gareth Bale ដោយ​រងការវាយប្រហារពី កីឡាករ Marc Bartra បាន​ធ្វើឲ្យ Bale រត់ក្រៅតារាង ដោយមានល្បឿនយ៉ាងលឿន ដើម្បីអូសបាល់ ទៅបំប៉ោងសំណាញ់ ។ គ្រាប់បាល់នេះដែរ ត្រូវបានក្រុម​អ្នកគាំទ្រ ចេញក្រដាសពិន័យ នូវចំនួនទឹកប្រាក់ 100.00 អឺរ៉ូ ខណៈដែល ខាងស្ថាប័នកីឡា នៅមិនទាន់​ចេញការពិន័យនៅឡើយ នោះ ។​

ទន្ទឹម​ជាមួយនឹងគ្នានេះដែរ កីឡាករ Alonso បានប្រាប់ដល់ Daily Telegraph ឲ្យដឹងថា “វាមើលទៅដូចជាបាល់ចេញក្រៅអីចឹង ខណៈដែល Bale រត់ចេញពីក្រៅទីលាន ចូលមកទីលានវិញនោះ ។ នេះ​វាគឺជា​រឿងមួយដែលមិនគួរ​ឲ្យជឿ និងមិនធ្លាប់បានឃើញពីមុនមកទេ ក្នុងពិភពបាល់ទាត់ ដែល​ធ្វើដូច Bale ” ។
តែ​ទោះជាយ៉ាងណាលទ្ធផល​នេះ យ៉ាងម៉េច យ៉ាងម៉ា នៅមិនទាន់ដឹង​នៅឡើយនោះទេ ខណៈដែល ខាង ស្ថាប័ន​គ្រប់គ្រងកីឡា​នៅមិនទាន់ ប្រាប់ឲ្យដឹងនោះ ៕​
ទស្សនាវីដេអូឃ្លិបដូចខាង​ក្រោមនេះ៖