ក្នុងរយៈពេលតិចជាង ៤ឆ្នាំមកនេះ លោក Ben Silbermann នាយកប្រតិបត្តិបណ្ដាញសង្គម Pinterest បានពង្រីកតំបន់បណ្ដាញយ៉ាងឆាប់រហ័ស និងបានជ្រៀតចូលទៅក្នុងអារម្មណ៍របស់យុវវ័យ ដោយគិតត្រឹមឆ្នាំ ២០១៣ Pinterest ទទួលបានចំណែក ១ភាគរយ៥នៃមនុស្សពេញវ័យដែលអនឡាញនៅអាមេរិក។
មកដល់ពេលនេះ លោកនាយកប្រតិបត្តិបានបង្ហើបឲ្យដឹងថា លោកបានសម្រេចចិត្តចាប់ផ្ដើមប្រែក្លាយ Pinterest ឲ្យទៅជាអាជីវកម្ម មានន័យថាចាប់ផ្ដើមរកលុយជាមួយនឹងផ្សព្វផ្សាយពាណិជ្ជកម្ម។
Pinterest នឹងបង្កើតប្រាក់ចំណូលដំបូងរបស់ខ្លួននៅឆ្នាំនេះ នៅពេលដែលចាប់ផ្ដើមសាកល្បងផ្សព្វផ្សាយពាណិជ្ជកម្មដើម្បីលើសស្ទួយផលិតផលរបស់បណ្ដាក្រុមហ៊ុនផ្សេងៗទៅដល់ដៃអតិថិជនរាប់លាននាក់ដែលបានប្រើប្រាស់បណ្ដាញមួយនេះ។
តាមការវិភាគរបស់លោក Michael Pachter បានឲ្យដឹងថា Pinterest នឹងទទួលបានប្រាក់ចំណូល ៥០០លានដុល្លារអាមេរិកពីការផ្សព្វផ្សាយពាណិជ្ជកម្មនៅឆ្នាំ ២០១៦។
គួរបញ្ជាក់ផងដែរថា កាលពីថ្ងៃពុធម្សិលមិញនេះ ក្រុមហ៊ុន Facebook បានប្រកាសថាខ្លួនកំពុងតែសាកល្បងផ្សព្វផ្សាយពាណិជ្ជកម្មនៅលើទូរស័ព្ទដៃ៕
មតិយោបល់