អង់គ្លេស៖ក្លិបកាំភ្លើងធំ Arsenal បានបញ្ជាក់ថាពួកគេ បានចុះហត្ថលេខាខ្ចី រួចរាល់ហើយលើកិច្ចព្រមព្រៀងជាមួយនឹងកីឡាករ Kim Kallstrom មកពីក្លិបបាល់ទាត់ Spartak Moscow សម្រាប់រដូវកាលនេះ។
ខ្សែបម្រើសញ្ជាតិស៊ុយអ៊ែត បានភ្ញាក់ផ្អើលយ៉ាងខ្លាំង សម្រាប់លោក Arsene Wenger ដោយកាចុះកុងត្រានេះកៀកនឹងទីផ្សារផ្ទេរកីឡាករបញ្ចប់ ទៅហើយ ពោលគឺនៅម៉ោង ១១ យប់ កាលពីថ្ងៃទី ៣១ ខែ មករា ម្សិលមិញ។
កីឡាករ វ័យ ៣១ ឆ្នាំ បានបង្ហាញទម្រង់លេងលើឆាកអន្តរជាតិ និងជាតិ ជាង ១០០ លើក ជាមួយនឹងក្រុម Lyon ដោយធ្វើឲ្យក្លិបមួយនេះ ឡើងទៅកាន់ វគ្គពាក់កណ្តាលផ្តាច់ព្រ័ត្រ ក្នុងក្របខណ្ឌ Champions League ក្នុងឆ្នាំ ២០១០ ។
លោក Wenger បានប្រាប់ ដល់ គេហទំព័រក្លិបកាំភ្លើងធំ ឲ្យដឹងថា “កីឡាករ Kim Kallstrom គឺជាកីឡាករដែលមានបទពិសោធយ៉ាងខ្លាំង គាត់ជាខ្សែបម្រើ ដែលមានគុណភាព ទាំងនៅក្លិប និង កម្រិតអន្តរជាតិ ដោយពេលនេះក្លិបកាំភ្លើងធំបានស្វាគមន៍គាត់” ។
ដោយឡែកសម្រាប់កីឡាករ Kallstrom បានបន្ថែមទៀតថា ”កាំភ្លើងធំ គឺជាក្លិបដ៏អស្ចារ្យ ដោយមានអ្នកលេងមានបទពិសោធន៍ក្រាសក្រែល និងអស្ចារ្យជាទីបំផុត ហើយអ្នកចាត់ការទូទៅ ដ៏ល្អ ស្ថិតនៅក្លិបនេះយូរឆ្នាំ” ។លោកបានបន្តទៀតថា ខ្ញុំពិតជារីករាយខ្លាំងណាស់ ការមកដល់ កាំភ្លើងធំ និងចង់រៀនអ្វីដែលថ្មីនៅទីនេះ ហើយសង្ឈឹមថា អាចនឹងជួយឲ្យក្លិបមួយនេះ សម្រេចបំណងនៅចុងរដូវកាលក្នុងឆ្នាំ នេះ៕
ទស្សនាវិដេអូជំនាញ ស៊ុតហ្វ្រីហ្គិត របស់ Kim Kallstrom ដូចខាងក្រោមនេះ៖
មតិយោបល់