តារា​វាយ​កូនហ្គោល​​ដ៏​ខ្លាំងក្លារបស់ពិភពលោក លោក Tiger Woods គឺកំពុងតែ​ជិះសេះលែងដៃ​ជាមួយនឹង​ស្រីស្រស់ Lindsay Vonn ។ បើទោះបីជា​អ្នកទាំងពីរ​មិនទាន់បានរៀបការ​ ទេ​ប៉ុន្តែបច្ចុប្បន្ននេះ ស្រីស្រស់​សក់ពណ៌ទង់ដែង ​បានបង្ហាញបំណងប្រាថ្នា​ចង់មានកូនជាមួយនឹង ​Tiger Woods ដែលបានលែងលះប្រពន្ធនោះ។​

មូលហេតុ​ដែល​ធ្វើ​ឲ្យ Tiger Woods មិនរៀបការ និងមិនចង់មានកូន​ដោយសារតែ​តារារូបនេះ​ធ្លាប់មានរឿង​អតីត ដែល​ធ្វើ​ឲ្យខ្លួនខាតទឹក​ប្រាក់យ៉ាងច្រើនសន្ធឹក ​ក្នុងការ​លែងលះជាមួយនឹងអតីតភរិយា ។ ហេតុដូចនេះ នាង Lindsay Vonn អាច​ត្រឹមតែ​ជាស្រីកំដរអារម្មណ៍ និងនិយាយ​ឲ្យស្រួលស្តាប់ទៅ ​​ជាកូនឆ្កែ ចិញ្ចឹមដ៏គួរ​ឲ្យស្រលាញ់របស់ Tiger Woods តែប៉ុណ្ណោះ​។​

ដោយសំអាងទៅលើមូលហេតុនេះ ​វា​ធ្វើ​ឲ្យ Tiger Woods ងាយស្រួលដោះដៃ និង​ មិនខ្លាច Lindsay Vonn សួរ​ពីទំហំ​ទឹកពេលលែងលះ និង​ថ្លៃចិញ្ចឹមកូន​ដូចគ្នានោះដែរ បើក្នុងករណីមាន ។​
សូមបញ្ជាក់ផងដែរថា កាលពីពេលកន្លងទៅ Tiger Woods ដែល​ជាអ្នកលេង​កូនហ្គោលដ៏ល្បី ​បានឡើងតុលាការ​លែងលះជាមួយនឹង តារាម៉ូដែល Elin Nordegren ដោយផ្តល់សំណង​ឲ្យនាងរហូតដល់ទៅ ១១០ លាន​ដុល្លារ ៕​