ក្មេងស្រីម្នាក់បានស្លាប់ បន្ទាប់ពីឪពុកម្តាយរបស់ខ្លួនបង្ខំឲ្យផឹកសូដា នេះបើតាមតុលាការនៅក្នុងរដ្ឋ Tennessee សហរដ្ឋអាមេរិកបានថ្លែងឲ្យដឹង។ ឥឡូវនេះប្តីប្រពន្ធមួយគូនេះកំពុងតែប្រឈមមុខនឹងការចោទប្រកាន់ពីបទឃាតកម្មដែលធ្វើឲ្យកូនស្រីជាទីស្រឡាញ់របស់ខ្លួនស្លាប់។
តាមរបាយការណ៍ឲ្យដឹងថាប្តីប្រពន្ធមួយគូនេះមានឈ្មោះ Randall Lee Vaughn វ័យ ៤១ ឆ្នាំ និងប្រពន្ធ Mary Lavonne Vaaughn វ័យ ៥៨ ឆ្នាំ ត្រូវបានចាប់ខ្លួនដោយមន្ត្រីប៉ូលិសនៅក្នុងតំបន់ Hawkins និងចោទពីបទមានការធ្វេសប្រហែស ព្រមទាំងរំលោភបំពានលើកុមារ។
ប៉ូលិសនិយាយថាពួកគេបានបង្ខំឲ្យ Alexa Linboom អាយុ ៥ ឆ្នាំដែលជាកូនស្រីរបស់ខ្លួនផឹកសូដា និងទឹកទំពាងបាយជូរ ដោយកំណត់រយៈពេល ១ ទៅ ២ ម៉ោងជាការដាក់ទណ្ឌកម្ម។ បន្ទាប់មក Linboom បានសន្លប់ ហើយរងនូវការប៉ះពាល់ដល់ខួរក្បាលយ៉ាងធ្ងន់ធ្ងរ។ ប៉ន្តែជាអកុសល Lenboom បានស្លាប់ក្នុងរយៈពេលបីថ្ងៃក្រោយពីបានស្រវឹងសារធាតុរាវដែលប្រើប្រាស់នៅក្នុងទំពាងបាយជូរនោះ៕
មតិយោបល់